അദ്ദിക്ര്‍ അറിയാതെ അല്ലാഹുവിനെക്കുറിച്ച് സംസാരിക്കുന്നവര്‍ വിശേഷിപ്പിക്കുന്ന ഒന്നും തന്നെ അല്ലാഹുവിന് ചേരാത്തവിധം അവന്‍ പരിശുദ്ധ നാണ്. അദ്ദിക്റിനെ തള്ളിപ്പറയുകയും അതെല്ലാം പഠിച്ച് തികഞ്ഞവരാണെന്ന് അഹങ്കരിക്കുകയും ചെയ്യുന്ന യ ഥാര്‍ത്ഥ ഭ്രാന്തന്മാരായ ഫുജ്ജാറുകള്‍ക്ക് ആര്‍ക്കും തന്നെ അവരുടെ പ്രവര്‍ത്തനങ്ങള്‍ സ്വര്‍ഗ്ഗത്തിലുള്ള ഇല്ലിയ്യീനില്‍ രേഖപ്പെടുത്തുന്നതിന് വേണ്ടി ആകാശത്തിന്‍റെ വാതിലുകള്‍ തുറന്നുകൊടു ക്കുകയോ തുന്നല്‍കാരന്‍റെ സൂചിയുടെ ദ്വാരത്തിലൂടെ ഒട്ടകം പ്രവേശിക്കുന്നതുവരെ അവര്‍ സ്വര്‍ഗ്ഗത്തില്‍ പ്രവേശിക്കുകയോ ഇല്ല എന്ന് 7: 40 ല്‍ പറ ഞ്ഞിട്ടുണ്ട്. അവന്‍ -അല്ലാഹു- ഏകനാണ്, അവന്‍ എല്ലാവരാലും ആശ്രയിക്കപ്പെടുന്നവനും ആരുടെയും ആശ്രയം വേണ്ടാത്ത പൂര്‍ണ്ണനുമാകുന്നു. അവന് സന്താനമില്ല, അവന്‍ മറ്റാരുടെയും സന്താനവുമല്ല, അവനെപ്പോലെ ഒരാളുമില്ല എന്ന് 112: 1-4 സൂക്തങ്ങളിലും; അവനെപ്പോലെ ഒരു വസ്തുവുമില്ല എന്ന് 42: 11 ലും പറഞ്ഞിട്ടുണ്ട്. അവന്‍ ആദ്യനും അന്ത്യനും പ്രത്യക്ഷനും പരോക്ഷനുമാണ്, അവന്‍ എല്ലാഓരോ കാര്യവും അറിയുന്ന ത്രികാലജ്ഞാനിയുമാകു ന്നു എന്ന് 57: 3 ല്‍ പറഞ്ഞിട്ടുണ്ട്. 2: 255; 17: 1 വിശദീകരണം നോക്കുക.