നിശ്ചയം അല്ലാഹു, ആകാശങ്ങളിലും ഭൂമിയിലുമുള്ളവരും ചിറക് നിശ്ചലമാക്കി പ റക്കുന്ന പക്ഷികളും അവനെ വാഴ്ത്തിക്കൊണ്ടിരിക്കുന്നത് നീ കണ്ടില്ലേ? നിശ്ചയം, എല്ലാ ഒരോന്നിനും അതിന്‍റേതായ നമസ്കാരരീതിയും കീര്‍ത്തനരീതിയും അറിവുണ്ട്, അവര്‍ പ്രവര്‍ത്തിച്ചുകൊണ്ടിരിക്കുന്നതെല്ലാം അല്ലാഹു അറിവുള്ളവന്‍ തന്നെയാണ് എന്ന് 24: 41 ല്‍ പറഞ്ഞിട്ടുണ്ട്. 'നിശ്ചയം അവന്‍ സഹനശീലനായ പൊറുക്കുന്നവന്‍ തന്നെയായിരിക്കുന്നു' എന്ന് പറഞ്ഞതിന്‍റെ വിവക്ഷ ഇങ്ങനെയെല്ലാം അല്ലാഹുവിനെ ഹൃദയത്തിന്‍റെ ഭാഷയില്‍ പരിചയപ്പെടുത്തിക്കൊടുത്തിട്ടും അതിനെ അവഗണിച്ച് അക്രമി കളും കാഫിറുകളും ധിക്കാരികളുമായിത്തീര്‍ന്ന മനുഷ്യര്‍ക്ക് അല്ലാഹു നിര്‍ണ്ണയിച്ച അവധിവരെ സമയം നീട്ടിക്കൊടുക്കുകയും ഭക്ഷണവിഭവങ്ങള്‍ നല്‍കുകയും ചെയ്യുന്നു എന്നാണ്. കൂടാതെ അവരെ ലക്ഷ്യബോധമുള്ളവരാക്കുന്നതിന് വേണ്ടി മുന്നറിയിപ്പുകാരെ നിയോഗിക്കുകയും ചെയ്തിരുന്നു. ആരെങ്കിലും അദ്ദിക്ര്‍ വായിച്ച് മനസ്സിലാക്കി തന്‍റെ കഴിഞ്ഞുപോയ തെറ്റുകള്‍ ആത്മാവുകൊണ്ട് നാഥനോട് ഏറ്റുപറഞ്ഞ് പൊറുക്കലിനെ ത്തേടിയാല്‍ അവയെല്ലാം പൊറുത്ത് കൊടുക്കുന്നതുമാണ്. അങ്ങനെ അവരവരെക്കൊണ്ടുതന്നെ അവരെ ശുദ്ധീകരിപ്പിച്ച് പരിശുദ്ധനായ അല്ലാഹുവിലേക്ക് തിരിച്ചുകൊണ്ടുപോകുന്നതിനാണ് അജയ്യമായ അദ്ദിക്ര്‍ അവതരിപ്പിച്ചിട്ടുള്ളത്. എന്നാല്‍ അദ്ദിക്ര്‍ കൊണ്ട് ആത്മാവിനെ തിരിച്ചറിഞ്ഞ സ്വര്‍ഗ്ഗത്തി ലേക്കുള്ള ആയിരത്തില്‍ ഒന്നായ വിശ്വാസികള്‍ മാത്രമേ അത് ഉപയോഗപ്പെടുത്തുകയുള്ളൂ. 11: 59; 16: 61; 39: 53-55 വിശദീകരണം നോക്കുക.