നീ വിളിച്ചുകൊണ്ടിരിക്കുന്ന സന്ദേശത്തിന് നേരെ ഞങ്ങളുടെ ഹൃദയങ്ങള്‍ അടച്ചുമൂടപ്പെട്ടിരിക്കുന്നു, ഞങ്ങളുടെ കാതുകളും മൂടപ്പെട്ടിരിക്കുന്നു, ഞങ്ങള്‍ക്കും നിനക്കുമിടയില്‍ ഒരു മറ വീണിരിക്കുന്നു, അപ്പോള്‍ നീ നിന്‍റെ പണി നോക്കുക, ഞങ്ങള്‍ ഞങ്ങളുടെ പണി നോക്കിക്കൊള്ളാം എന്ന് കാഫിറുകള്‍ പ്രവാചകനോട് പറഞ്ഞതായി 41: 5 ല്‍ പറഞ്ഞിട്ടുണ്ട്. 39: 45 ല്‍, നീ അല്ലാഹുവിനെ ഗ്രന്ഥത്തില്‍ ഏകനായി ഓര്‍മിപ്പി ക്കുകയാണെങ്കില്‍ പരലോകം കൊണ്ട് വിശ്വസിക്കാത്തവരുടെ ഹൃദയങ്ങളില്‍ മനം പുരട്ടലുണ്ടാകുന്നതാണ്; അവനെക്കൂടാതെയുള്ളവരെക്കൊണ്ട് ഓര്‍മ്മിപ്പിക്കുകയാ ണെങ്കിലോ, അപ്പോഴതാ അവര്‍ സന്തോഷഭരിതരായിത്തീരുന്നു എന്നും; 32: 22 ല്‍, തങ്ങളുടെ നാഥന്‍റെ സൂക്തങ്ങള്‍ കൊണ്ട് ഹൃദയത്തിന്‍റെ ഭാഷയില്‍ ഓര്‍മ്മിപ്പിക്കപ്പെട്ടതിന് ശേഷം അതിനെ അവഗണിച്ചുപോകുന്നവനേക്കാള്‍ ഏറ്റവും വലിയ അക്രമി ആരാണുള്ളത്, ഇത്തരം ഭ്രാന്തന്‍മാരോട് നാം പ്രതി കാരം ചെയ്യുകതന്നെ ചെയ്യുമെന്നും പറഞ്ഞിട്ടുണ്ട്. ഇന്ന് ഇത്തരം സൂക്തങ്ങളെല്ലാം ആശയമില്ലാതെ അറബി ഖുര്‍ആനില്‍ വായിക്കുന്ന, 25: 18 ല്‍ അദ്ദി ക്റിനെ വിസ്മരിച്ച കെട്ടജനത എന്ന് വിശേഷിപ്പിക്കപ്പെട്ട, ഐഹികജീവിതത്തിന് പ്രാധാന്യം കൊടുത്ത് ജീവിക്കുന്ന ഫുജ്ജാറുകളുടെ സ്വഭാവമാണ് സൂ ക്തത്തില്‍ പരാമര്‍ശിക്കുന്നത്. അവര്‍ തൊട്ട, കണ്ട, കേട്ട, വായിച്ച ഗ്രന്ഥം അവര്‍ക്കെതിരെ വാദിച്ചുകൊണ്ടും സാക്ഷ്യം വഹിച്ചുകൊണ്ടും അവരെ നരകക്കുണ്ഠത്തിലേക്ക് തള്ളി വിടുന്നതാണ്. കാഫിറുകളുടെ ഈ സ്വഭാവങ്ങള്‍ക്ക് വിരുദ്ധമായി വിശ്വാസികളെക്കുറി ച്ച് 32: 15 ല്‍, നിശ്ചയം നമ്മുടെ സൂക്തങ്ങളെക്കൊണ്ട് വിശ്വസിക്കുന്നവര്‍, അവകൊണ്ട് ഹൃദയത്തിന്‍റെ ഭാഷയില്‍ അവര്‍ ഉണര്‍ത്തപ്പെട്ടാല്‍ അവനെ സ്തുതിച്ചുകൊണ്ടും വാഴ്ത്തി ക്കൊണ്ടും സാഷ്ടാംഗത്തില്‍ വീഴുന്നതാണ്, അവര്‍ ഒരിക്കലും അഹങ്കരിച്ച് പിന്തിരിഞ്ഞ് നില്‍ക്കുകയുമില്ല എന്ന് പറഞ്ഞിട്ടുണ്ട്. 6: 25-26; 16: 43-44; 18: 56-59 വിശദീകരണം നോക്കുക.