ഈ സൂക്തം 25: 9 ലും ആവര്‍ത്തിച്ചിട്ടുണ്ട്. മക്കാമുശ്രിക്കുകള്‍ എന്നല്ല, എക്കാലത്തുമുള്ള കാഫിറുകള്‍ അവരിലേക്ക് നിയോഗിക്കപ്പെട്ട പ്രവാചകന്മാരെ ആഭിചാരകന്‍, ആഭിചാരം പിടിപെട്ടവന്‍, ജിന്നുബാധിച്ചവന്‍, ഒറ്റപ്പെട്ടവന്‍, ഭ്രാന്തന്‍, മാരണക്കാരന്‍ എന്നെല്ലാം പറഞ്ഞാണ് അവര്‍ കൊണ്ടുവന്ന സന്ദേശ മായ അദ്ദിക്റിനെ തള്ളിപ്പറഞ്ഞിരുന്നത്. 25: 58 ല്‍ പറഞ്ഞ ത്രികാലജ്ഞാനിയില്‍ നിന്ന് 25: 59 ല്‍ പറഞ്ഞ ത്രികാലജ്ഞാനിയിലൂടെ രൂപപ്പെടുത്തപ്പെട്ട, 41: 41-43 സൂക്തങ്ങളില്‍ പറഞ്ഞ മിഥ്യകലരാത്ത അജയ്യഗ്രന്ഥമായ അദ്ദിക്ര്‍ ജനങ്ങളോട് പറയുകയും മൊത്തം മനുഷ്യരിലേക്ക് എത്തിക്കുകയും ചെയ്യുന്ന ആയിരത്തില്‍ ഒന്നായ വിശ്വാസിയോടും ഇതേ സമീപനം തന്നെയാണ് ഇന്നും 4: 150-151 സൂക്തങ്ങളില്‍ പറഞ്ഞ യഥാര്‍ത്ഥ കാഫിറുകള്‍ക്കു ള്ളത്. കാഫിറുകള്‍ പ്രവാചകനെക്കുറിച്ച് ആരോപിച്ചിരുന്ന ആരോപണങ്ങള്‍ 25: 7-8 സൂക്തങ്ങളില്‍ ഇങ്ങനെ കാണാം. അവര്‍ പറയുകയും ചെയ്യുന്നു: എന്തുപറ്റി ഈ പ്രവാചകന്? ഭക്ഷണം കഴിക്കുന്നു! അങ്ങാടിയില്‍ പോകുന്നു! അവനോടൊപ്പം മുന്നറിയിപ്പ് നല്‍കാന്‍ എന്തുകൊണ്ട് ഒരു മലക്കിനെ ഇറ ക്കിയില്ല? അല്ലെങ്കില്‍ എന്തുകൊണ്ട് അവന് ഒരു ഖജനാവ് ഇട്ടുകൊടുത്തില്ല? എന്തുകൊണ്ട് അവന് ഭക്ഷിക്കാന്‍ ഒരു തോട്ടം ഉണ്ടായില്ല? ഈ അക്രമികള്‍ പറയുകയും ചെയ്യുന്നു: നിങ്ങള്‍ പിന്‍പറ്റുന്നത് ആഭിചാരം ബാധിച്ച ഒരു പുരുഷനെയല്ലാതെയല്ല. 25: 33-34; 38: 8; 51: 52-53 വിശദീകരണം നോക്കുക.