16: 89 ല്‍ പറഞ്ഞ പ്രകാരം ഓരോ വ്യക്തിയും എപ്പോള്‍ എവിടെ എന്തെല്ലാം പ്രവര്‍ത്തിക്കുമെന്നും അവന്‍ സ്വര്‍ഗ്ഗത്തിലേക്കാണോ നരകത്തിലേക്കാണോ എന്നെല്ലാം നേരത്തെ നിശ്ചയിച്ച് എല്ലാകാര്യങ്ങളും വിശദീകരിച്ചിട്ടുള്ള ഗ്രന്ഥമെന്ന് വിശേഷിപ്പിക്കപ്പെട്ട അദ്ദിക്റില്‍ രേഖപ്പെടുത്തിയിട്ടുള്ളവനാണ് ത്രികാലജ്ഞാനിയായ അല്ലാഹു. അതുകൊണ്ട് ഉറപ്പ് നല്‍കുന്ന സത്യമായ അദ്ദിക്ര്‍ ഉപയോഗപ്പെടുത്തി ഓരോരുത്തരും സന്മാര്‍ഗ്ഗത്തിലാണോ അതോ ദുര്‍മാര്‍ഗ്ഗത്തിലാണോ ചരിക്കുന്നത് എന്ന് സ്വയം തീരുമാനിക്കേണ്ടതാണ്. പ്രാര്‍ത്ഥനകൊണ്ടല്ലാതെ വിധി മാറ്റപ്പെടുകയില്ല എന്നും നാഥന്‍ പ്രവാചകനി ലൂ ടെ പഠിപ്പിച്ചിട്ടുണ്ട്. പ്രാര്‍ത്ഥനക്ക് ഉത്തരം കിട്ടാനുള്ള രണ്ട് നിബന്ധനകള്‍ 2: 186 ല്‍ വിവരിച്ചിട്ടുണ്ട്. 3: 160; 5: 48; 7: 178; 10: 108-109; 16: 125 വിശദീകരണം നോക്കുക.