'എന്‍റെ നാഥന്‍ പരിശുദ്ധനാണ്' എന്ന് പറഞ്ഞതിന്‍റെ വിവക്ഷ, നിങ്ങള്‍ ആവശ്യ പ്പെടുന്ന എല്ലാകാര്യങ്ങളും ചെയ്യാന്‍ അവന്‍ കഴിവുള്ളവനാണ് എന്നാണ്. അവന്‍റെ കഴിവിന് യാതൊരു പരിമിതിയുമില്ല. എന്നാല്‍ ഞാന്‍ നിങ്ങളെപ്പോലെ ഒരു മനുഷ്യനും പ്രവാചകനുമല്ലാതെയല്ല. ഞാന്‍ അവനുമായുള്ള കൂടിക്കാഴ്ചക്കുവേണ്ടി സ്വര്‍ഗ്ഗത്തില്‍ പോയിവന്നിട്ടുണ്ടെങ്കില്‍ അത് പരിശുദ്ധനായ അവന്‍ കാര്യകാരണ ബന്ധത്തിന് അതീതമായി എന്നെ അവിടേക്ക് കൊണ്ടുപോയതുകൊണ്ടാണ്. അവന്‍ നിങ്ങള്‍ക്ക് വായിക്കാവുന്ന ഒരു ഗ്രന്ഥം (പ്രവാചകന്‍ മൂസാക്ക് ഫലകത്തില്‍ നല്‍കിയതുപേലെ) തന്നയച്ചിരുന്നു വെങ്കില്‍ ഞാന്‍ അത് കൊണ്ടുവരുമായിരുന്നു. 25: 32 ല്‍, അല്ലാഹു പ്രവാചകന്‍റെമേല്‍ ഘട്ടം ഘട്ടമായി ഗ്രന്ഥം അവതരിപ്പിച്ചിട്ടുള്ളത് അതുകൊണ്ട് പ്രവാചകന്‍റെ ഹൃദയം ഉറപ്പിച്ചു നിര്‍ത്തുന്നതിന് വേണ്ടിയാണ് എന്നും, അവന്‍റെ ജീവിതം ഗ്രന്ഥമനുസരിച്ച് അല്ലാഹുതന്നെ ക്രമപ്പെടുത്തുമെന്നും പറ ഞ്ഞിട്ടുണ്ട്. അതുകൊണ്ട് നിങ്ങള്‍ എന്നോട് ഇത്തരം കാര്യങ്ങളൊന്നും ചോദിക്കേണ്ടതില്ല. നിങ്ങള്‍ നിങ്ങളുടെ ഉടമയായ അല്ലാഹുവിനോടുതന്നെ ചോ ദിച്ചുകൊള്ളുക, ഞാന്‍ സന്ദേശവാഹകനായ ഒരു മനുഷ്യന്‍ മാത്രമാകുന്നു എന്ന് പറയാനാണ് പ്രവാചകനോട് കല്‍പിക്കുന്നത്. 6: 7; 17: 1, 49-52; 18: 110 വിശദീകരണം നോക്കുക.