അന്ത്യദിനം സംഭവിക്കുമ്പോള്‍ 'ആകാശം പൊട്ടിപ്പിളരുമെന്ന്' 82: 1 ലും; 'ആകാശം പൊട്ടിവിടരുമെന്ന്' 84: 1 ലും മുന്നറിയിപ്പ് നല്‍കിയിട്ടുള്ളതിനെ പരിഹസിച്ചുകൊണ്ടാണ് മക്കാമുശ്രിക്കുകള്‍ 'നീ ഭീഷണിപ്പെടുത്തുന്നത് പോലെ ആകാശത്തിന്‍റെ കഷ്ണങ്ങള്‍ ഞങ്ങളുടെ മേല്‍ വീഴ്ത്തുക' എന്ന് പറഞ്ഞിരുന്നത്. എന്നല്ലാതെ പ്രവാചകന്‍ അത് വീഴ്ത്തുമെന്നൊന്നും അവരോട് പറഞ്ഞിരുന്നില്ല. നാമുമായി കണ്ടുമുട്ടണമെന്ന് പ്രതീക്ഷിക്കാത്തവര്‍ പറയുകയും ചെയ്യുന്നു: എന്താണ് ഞങ്ങളുടെമേല്‍ മലക്കുകള്‍ ഇറക്കപ്പെടാത്തത്, അല്ലെങ്കില്‍ ഞങ്ങളുടെ നാഥനെ നേരില്‍ കാണാത്തത്? നിശ്ചയം അവര്‍ സ്വന്തത്തോട് അഹങ്കരിക്കുകയും പരിധിവിട്ട ധാര്‍ഷ്ട്യത്തില്‍ അകപ്പെടുകയും ചെയ്തിരിക്കുന്നു, മലക്കുകളെ കാണുന്നദിനം ഈ ഭ്രാന്തന്‍മാര്‍ക്ക് സന്തോഷകരമായിരിക്കുകയില്ല, അന്ന് മലക്കുകളെ കാണാത്ത ഒരു മറ ഞങ്ങള്‍ക്കിടയില്‍ ഉണ്ടാകട്ടെ എന്ന് അവര്‍ പറയുകയും ചെയ്യും എന്ന് 25: 21-22 സൂക്തങ്ങളില്‍ പറഞ്ഞിട്ടുണ്ട്. 6: 158; 14: 18; 43: 60-61 വിശദീകരണം നോക്കുക.