ഒരു നാട്ടിലേക്ക് മൂന്ന് പ്രവാചകന്‍മാരെ അയച്ചപ്പോള്‍ ആ ജനത അവരോട് പ്രതികരിച്ചരീതി 36: 15 ല്‍ പറയുന്നു: നിങ്ങള്‍ ഞങ്ങളെപ്പോലെയുള്ള മനു ഷ്യരല്ലാതെയല്ല, നിഷ്പക്ഷവാന്‍ ഒന്നും തന്നെ ഇറക്കിയിട്ടുമില്ല, നിശ്ചയം നിങ്ങള്‍ കളവ് പറയുന്നവര്‍ തന്നെയാകുന്നു. 67: 8-10 സൂക്തങ്ങളില്‍ ഇത്തരം കാ ഫിറുകള്‍ നരകത്തിലേക്ക് വലിച്ചെറിയപ്പെടുമ്പോള്‍ അതിലെ പാറാവുകാര്‍ അവരോട് 'നിങ്ങള്‍ക്ക് മുന്നറിയിപ്പുകാര്‍ വന്നിട്ടുണ്ടായിരുന്നില്ലേ' എന്ന് ചോദിക്കുമ്പോള്‍ അവര്‍ 'അതെ; നിശ്ചയം ഞങ്ങള്‍ക്ക് മുന്നറിയിപ്പുകാര്‍ വന്നിരുന്നു, എന്നാല്‍ ഞങ്ങള്‍ അവരെ തള്ളിപ്പറഞ്ഞു, അല്ലാഹു ഒന്നും തന്നെ ഇറക്കിയിട്ടില്ല, നിശ്ചയം നിങ്ങള്‍ വമ്പിച്ച വഴികേടിലല്ലാതെയല്ല എന്ന് ഞങ്ങള്‍ അവരോട് പറയുകയും ചെയ്തു. ഞങ്ങള്‍ അദ്ദിക്ര്‍ കേട്ടിരുന്നുവെങ്കില്‍, അല്ലെങ്കില്‍ ബുദ്ധിയുപയോഗിച്ച് ചിന്തിച്ചിരുന്നുവെങ്കില്‍ ഞങ്ങള്‍ ഈ കത്തിയാളുന്ന നരകത്തിന്‍റെ സഹവാസികളാകുമായിരുന്നില്ലല്ലോ!' എന്ന് പറയുമെന്ന് മുന്നറിയിപ്പ് നല്‍കിയിട്ടുണ്ട്. 39: 71 ല്‍, വിചാരണക്കുശേഷം കാഫിറുകളെ നരകക്കുണ്ഠത്തിലേക്ക് തെളിക്കപ്പെടുന്ന രംഗം വിവരിക്കുന്നത് ഇങ്ങനെയാണ്: അങ്ങനെ അവര്‍ നരകക്കുണ്ഠത്തിന്‍റെ അടുത്തെത്തുകയും വാതില്‍ തുറക്കപ്പെടുകയും ചെയ്താല്‍ അതിന്‍റെ പാറാവുകാര്‍ അവരോട് ചോ ദിക്കും: നിങ്ങള്‍ക്ക് നിങ്ങളുടെ നാഥന്‍റെ സൂക്തങ്ങള്‍ വിവരിച്ചുതരികയും ഇങ്ങനെ ഒരുനാളിനെ കണ്ടുമുട്ടണമെന്ന് നിങ്ങളോട് മുന്നറിയിപ്പ് നല്‍കുക യും ചെയ്തിരുന്ന നിങ്ങളില്‍ നിന്നുതന്നെയുള്ള അല്ലാഹുവിന്‍റെ പ്രവാചകന്‍മാര്‍ വന്നിട്ടുണ്ടായിരുന്നില്ലേ? അവര്‍ മറുപടി പറയും: അതെ, വന്നിരുന്നു, എന്നാല്‍ കാഫിറായ ഞങ്ങളുടെ മേല്‍ ശിക്ഷാവചനം ബാധകമായി. 

'നമ്മില്‍ നിന്നുള്ള ഒരു മനുഷ്യനെയാണോ നാം പിന്‍പറ്റേണ്ടത്, അങ്ങനെയായാല്‍ നിശ്ചയം നാം വഴികേടില്‍ അകപ്പെട്ടവരും ബുദ്ധിഭ്രംശം ബാധിച്ചവ രും തന്നെയായിരിക്കും' എന്ന് സ്വാലിഹ് നബിയെക്കുറിച്ച് 'സമൂദ് ജനത' ചോദിച്ചതായി 54: 24 ല്‍ പറഞ്ഞിട്ടുണ്ട്. എക്കാലത്തുമുള്ള കാഫിറുകളുടെ സ്വ ഭാവത്തെക്കുറിച്ച് 64: 6 ല്‍ പറയുന്നു: അത് നിശ്ചയം, അവരിലേക്ക് അവരുടെ പ്രവാചകന്‍മാര്‍ വെളിപാടും കൊണ്ട് വന്നിട്ടുണ്ടായിരുന്നു, അപ്പോള്‍ അ വര്‍ ചോദിച്ചു; ഒരു മനുഷ്യനാണോ നമ്മളെ സന്‍മാര്‍ഗ്ഗത്തിലാക്കാന്‍ വന്നിട്ടുള്ളത്, അങ്ങനെ അവര്‍ നിഷേധിക്കുകയും പിന്തിരിയുകയും ചെയ്തു, അപ്പോ ള്‍ അല്ലാഹു സ്വയം പര്യാപ്തത തെരഞ്ഞെടുത്തു, അല്ലാഹു ഐശ്വര്യവാനും സ്വയം സ്തുത്യര്‍ഹനുമാകുന്നു. 7: 203; 10: 2; 11: 12, 27; 25: 7-9 വിശദീകരണം നോക്കുക.