ഭൂമിയില്‍ ജീവിക്കുന്ന നിങ്ങള്‍ മനുഷ്യരായതു കൊണ്ടാണ് നിങ്ങള്‍ക്ക് മനുഷ്യനെത്തന്നെ പ്രവാചകനായി അയക്കുന്നത് എന്നര്‍ത്ഥം. 'ശാന്തരായി ചരി ക്കുന്ന മലക്കുകള്‍' എന്നതിന്‍റെ വിവക്ഷ, മലക്കുകളെല്ലാം വിശ്വാസികളും കുറ്റം ചെയ്യാത്തവരുമാണ് എന്നാണ്. 66: 6 ല്‍ മലക്കുകളെക്കുറിച്ച്, അവര്‍ അ ല്ലാഹുവിന്‍റെ കല്‍പനകള്‍ ധിക്കരിക്കുകയില്ല, അവരോട് കല്‍പിക്കപ്പെടുന്നതെന്തോ അത് പ്രവര്‍ത്തിക്കുന്നവരുമാണ് എന്ന് പറഞ്ഞിട്ടുണ്ട്. മനുഷ്യര്‍ക്ക് മലക്കുകളുടെ ഈ സ്വഭാവം ലഭിക്കണമെങ്കില്‍ അദ്ദിക്റിന്‍റെ വെളിച്ചത്തിലുള്ള ജീവിതം നയിക്കേണ്ടതുണ്ട്. ഗ്രന്ഥത്തില്‍ അവഗാഹമുള്ളവര്‍ പുണ്യാ ത്മാക്കളായ മലക്കുകളോടൊപ്പമാണ് ചരിക്കുന്നതെന്ന് പ്രപഞ്ചനാഥന്‍ അവന്‍റെ പ്രവാചകനിലൂടെ പഠിപ്പിച്ചിട്ടുണ്ട്. മലക്കുകളെല്ലാവരും വിശ്വാസികളാ ണ്. മനുഷ്യര്‍ക്ക് അദ്ദിക്ര്‍ കൊണ്ടല്ലാതെ വിശ്വാസിയാകാനോ മലക്കുകളുടെ സ്വഭാവം കൈവരിക്കാനോ സാധ്യമല്ല. അദ്ദിക്ര്‍ കൊണ്ട് ആത്മാവിന് ശാ ന്തി ലഭിക്കുമെന്ന് 13: 27-28 സൂക്തങ്ങളിലും; ശാന്തിനേടിയ ആത്മാവ് മാത്രമേ സ്വര്‍ഗ്ഗത്തിലേക്ക് തിരിച്ചുപോവുകയുള്ളൂ എന്ന് 89: 27-30 സൂക്തങ്ങളിലും പറഞ്ഞിട്ടുണ്ട്. സ്വതന്ത്രരായ മനുഷ്യര്‍ക്കും ജിന്നുകള്‍ക്കും അദ്ദിക്ര്‍ കൊണ്ട് അല്ലാഹുവിന്‍റെ പ്രതിനിധികളായി ജീവിക്കുകവഴി മലക്കുകളെക്കാള്‍ ഉയ ര്‍ന്ന സ്ഥാനം നേടാവുന്നതാണ്. ഇന്ന് അദ്ദിക്റിനെ മൂടിവെച്ചുകൊണ്ടും തള്ളിപ്പറഞ്ഞുകൊണ്ടും ജീവിക്കുകവഴി കാഫിറായ മസീഹുദ്ദജ്ജാലിനെ ആന യിച്ചുകൊണ്ടിരിക്കുന്ന ഫുജ്ജാറുകളെല്ലാം തന്നെ ഈസാ രണ്ടാമത് വന്നാല്‍ അന്ന് ഇസ്ലാം അംഗീകരിക്കുന്ന ഇതര ജനവിഭാഗങ്ങളാല്‍ വധിക്കപ്പെടുന്ന താണ്. അതോടുകൂടി 43: 60 ല്‍ പറഞ്ഞ പ്രകാരം മനുഷ്യരെല്ലാം മലക്കുകളെപ്പോലെ ലൈംഗികബന്ധമില്ലാതെയും  ശാന്തിയോടും സമാധാനത്തോടും കൂടിയും ഇവിടെ ജീവിക്കുന്നതാണ്. പക്ഷേ അന്ത്യനാളിന്‍റെ പ്രധാനപ്പെട്ട പത്ത് അടയാളങ്ങളില്‍ ഒന്നായ മസീഹുദ്ദജ്ജാല്‍ വന്നാല്‍ പിന്നെ വിശ്വാസം സ്വീകരിക്കല്‍ കൊണ്ട് ഒരു പ്രയോജനവും ഉണ്ടാവുകയില്ല. 4: 91, 159; 9: 5; 15: 7-8 വിശദീകരണം നോക്കുക.