വിശ്വാസിയാകാനുള്ള അല്ലാഹുവിന്‍റെ സമ്മതപത്രവും സ്വര്‍ഗത്തിലേക്കുള്ള ടിക്കറ്റും അവന്‍റെ കാരുണ്യവുമായ അദ്ദിക്ര്‍ വന്നുകിട്ടിയിട്ട് ഉപയോഗപ്പെ ടുത്താത്ത ഫുജ്ജാറുകള്‍ മുഖം കുത്തിയ നിലയില്‍ അന്ധരും ഊമരും ബധിരരുമായി നരകകുണ്ഠത്തില്‍ കുത്തിനിറക്കപ്പെടാനുളളവരാണ്. നിഷ്പക്ഷവാ നായ നാഥന്‍ ഒരാളെയും സ്വര്‍ഗത്തിലേക്കോ നരകത്തിലേക്കോ ആക്കുന്നില്ല. 17: 15 ല്‍ വിവരിച്ച പ്രകാരം ആരാണോ സന്മാര്‍ഗമായ അദ്ദിക്റിനെ സത്യ പ്പെടുത്തി ഇവിടെ ജീവിച്ചത്, അവര്‍ സന്മാര്‍ഗത്തിലായി. അദ്ദിക്ര്‍ വന്നുകിട്ടിയിട്ട് അതിനെ തള്ളിപ്പറഞ്ഞ് ജീവിച്ചവര്‍ കാഫിറുകളും അക്രമികളുമായ തിനാല്‍ അവര്‍ വിധിദിവസം 'ഓ എന്‍റെ കഷ്ടം! അദ്ദിക്റിനെത്തൊട്ട് എനിക്ക് അത് വന്നുകിട്ടിയതിനുശേഷം എന്നെ ഇന്നാലിന്നവനാണല്ലോ തടഞ്ഞത്, പിശാച് മനുഷ്യന് മഹാവഞ്ചകന്‍ തന്നെയായിരുന്നുവല്ലോ' എന്ന് വിലപിക്കുന്ന രംഗം 25: 27-29 സൂക്തങ്ങളില്‍ മുന്നറിയിപ്പ് നല്‍കിയിട്ടുണ്ട്. 3: 7 ല്‍ വിവ രിച്ച പ്രകാരം അറബി ഖുര്‍ആന്‍ വായിച്ചും കേട്ടും കാഫിറുകളായിത്തീര്‍ന്ന ഇക്കൂട്ടര്‍ക്കെതിരെ അവര്‍ വായിച്ച, കേട്ട സൂക്തങ്ങള്‍ വാദിച്ചുകൊണ്ടും സാക്ഷ്യം വഹിച്ചുകൊണ്ടും അവരെ നരകക്കുണ്ഠത്തിലേക്ക് തള്ളിവിടുകയാണ് ചെയ്യുക. അദ്ദിക്റിനെത്തൊട്ട് ബധിരരും അന്ധരും ഊമരുമായ ഇവര്‍ അദ്ദിക്റിലേക്കും അത് വഴി സ്വര്‍ഗത്തിലേക്കും തിരിച്ചുവരികയില്ല എന്ന് 2: 18 ല്‍ പറഞ്ഞിട്ടുണ്ട്. 2: 6-7; 7: 176-179; 16: 37 വിശദീകരണം നോക്കുക.