അദ്ദിക്ർ

42: 29 ല്‍, അവന്‍റെ ദൃഷ്ടാന്തങ്ങളില്‍ പെട്ടതാണ് ആകാശങ്ങളെയും ഭൂമിയെയും സൃഷ്ടിച്ചതും അവ രണ്ടിലും ജീവജാലങ്ങളെ പരത്തിയിട്ടതും, അവന്‍ ഉദ്ദേശിക്കുമ്പോള്‍ അവയെ ഒരുമിച്ചുകൂട്ടാന്‍ കഴിവുള്ളവന്‍ തന്നെയുമാണ് എന്നും; 46: 33 ല്‍, നിശ്ചയം ആകാശങ്ങളെയും ഭൂമിയെയും സൃഷ്ടിച്ച അല്ലാഹു-അവയുടെ സൃഷ്ടിപ്പില്‍ അവന്‍ ക്ഷീ ണിതനായിട്ടില്ല!-അവന്‍ മരിച്ചവരെ ജീവിപ്പിക്കാന്‍ കഴിവുള്ളവന്‍ തന്നെയാണെന്ന് അവര്‍ മനസ്സിലാക്കിയിട്ടില്ലേ; അതെ, നിശ്ചയം അവന്‍ എല്ലാറ്റിനും കഴിവുള്ള സര്‍വ്വശക്തന്‍ തന്നെയാണ് എന്നും പറഞ്ഞിട്ടുണ്ട്. 75: 37-39 ല്‍, മനുഷ്യന്‍ തെറിച്ചുവീഴുന്ന ഇന്ദ്രിയ ത്തുള്ളിയില്‍ നിന്നുള്ള ബീജമായിരുന്നില്ലേ! പിന്നെ അത് രക്തപിണ്ഡമായി, അങ്ങനെ നാം അവനെ സൃഷ്ടിച്ച് രൂപപ്പെടുത്തി, അതില്‍ നിന്ന് പുരുഷന്‍, സ്ത്രീ എന്നിങ്ങനെയുള്ള ജോടികളെ ഉണ്ടാക്കി എന്ന് പറഞ്ഞശേഷം 75: 40 ല്‍, അങ്ങനെയുള്ളവന്‍ മരിച്ചവരെ ജീവിപ്പിക്കാന്‍ കഴിവുള്ളവനല്ലെന്നോ എന്ന് ചോദിക്കുന്നുണ്ട്. 14: 34; 36: 81; 40: 57-58 വി ശദീകരണം നോക്കുക.