സര്‍വ്വസ്രഷ്ടാവിന്‍റെ വചനമായ അദ്ദിക്ര്‍ എഴുത്തും വായനയും അറിയാത്തവരടക്കം ആര്‍ക്കും മനസ്സിലാകുന്നതാണ്. 'നിശ്ചയം നാം ആവര്‍ത്തിച്ച് വായി ക്കപ്പെടാനുള്ള അദ്ദിക്റിനെ ഹൃദയം കൊണ്ട് മനസ്സിലാക്കാന്‍ വളരെ എളുപ്പമാക്കിയിരിക്കുന്നു, അപ്പോള്‍ ആരുണ്ട് അതിന് തയ്യാറുള്ളവര്‍' എന്ന് 54: 17, 22, 32, 40 എന്നീ സൂക്തങ്ങളില്‍ ആവര്‍ത്തിച്ച് ചോദിക്കുന്നുണ്ട്. ഗ്രന്ഥത്തിന്‍റെ പാരായണമുറകള്‍, അര്‍ത്ഥം എന്നിവ പഠിക്കാനും മനഃപാഠമാക്കാനും എ ളുപ്പമാണ് എന്ന് പറഞ്ഞിട്ടില്ല, പകരം ആത്മാവായ അദ്ദിക്ര്‍ ഹൃദയം കൊണ്ട് മനസ്സിലാക്കാനാണ് എളുപ്പമാക്കിയിട്ടുള്ളത്. അത് ആത്മാവിന്‍റെ ഭക്ഷണ വും വസ്ത്രവും ദൃഷ്ടിയുമാണ് എന്ന് 7: 26; 11: 88; 20: 131 തുടങ്ങിയ സൂക്തങ്ങളിലെല്ലാം പറഞ്ഞിട്ടുണ്ട്. അദ്ദിക്ര്‍ അല്ലാഹുവിനെ ഭയപ്പെടുന്നവര്‍ക്ക് ഒരു ടിക്കറ്റായിട്ടല്ലാതെ, നീ പ്രയാസപ്പെട്ട് മനം മുട്ടുന്നതിനുവേണ്ടി നാം നിന്‍റെമേല്‍ അവതരിപ്പിച്ചിട്ടില്ല എന്ന് 20: 1-3 സൂക്തങ്ങളിലും; വമ്പിച്ച നരകാഗ്നിയില്‍ വേവിക്കപ്പെടാനുള്ള ഏറ്റവും വലിയ ദൗര്‍ഭാഗ്യവാനല്ലാതെ ദിക്റാ(അദ്ദിക്ര്‍)യെ വെടിയുകയില്ല എന്ന് 87: 9-12 സൂക്തങ്ങളിലും പറഞ്ഞിട്ടുണ്ട്. 2: 2; 15: 87-88; 16: 89 വിശദീകരണം നോക്കുക.