തങ്ങളുടെ കുടുംബം, ജനത, ഭരണാധികാരി എന്നിവരെല്ലാം പൂര്‍ണ്ണമായി ദുഷിച്ചവരായി മാറിയ സന്ദര്‍ഭത്തില്‍ ഏഴ് യുവാക്കള്‍ മാത്രം അവരില്‍ നിന്ന് വേറിട്ട് വിശ്വാസികളായി നിലകൊള്ളുകയായിരുന്നു. അവരെ ചോദ്യം ചെയ്യാനും നിര്‍ബന്ധപൂര്‍വ്വം ഭൂരിപക്ഷത്തിന്‍റെ മാര്‍ഗത്തിലേക്ക് മടക്കിക്കൊ ണ്ടുവരാനും ആ ജനത ഒരുമ്പെട്ടപ്പോള്‍, അവര്‍ ഓരോരുത്തരും സൂക്തത്തില്‍ പറഞ്ഞ പ്രകാരം ആത്മാവ് കൊണ്ട് പ്രാര്‍ത്ഥിച്ചു. അപ്പോള്‍ പ്രസവിക്കപ്പെ ട്ടുണ്ടായതല്ലാത്ത ഒരു നായയെ അല്ലാഹു അവിടെ പ്രത്യക്ഷപ്പെടുത്തുകയും ഏഴ് യുവാക്കളും ആ നായക്ക് പിന്നാലെ നടന്നുനീങ്ങി ഒരു പോറലുമേല്‍ ക്കാതെ ഗുഹയില്‍ അഭയം തേടുകയുമാണുണ്ടായത്. 

ശുഐബ് നബിയുടെ ജനതയിലെ ഗര്‍വ്വിഷ്ഠരായ പ്രമാണിമാര്‍ ശുഐബ് നബിയെയും അദ്ദേഹത്തോടൊപ്പമുള്ള വിശ്വാസികളെയും നാട്ടില്‍ നിന്ന് പുറത്താക്കാനും അല്ലെങ്കില്‍ ഭൂരിപക്ഷത്തിന്‍റെ ആചാരാനുഷ്ഠാനങ്ങളിലേക്കുതന്നെ തിരിച്ചുകൊണ്ടുവരാനും ശ്രമിച്ചതും അപ്പോള്‍ അല്ലാഹു വിശ്വാ സികളെ രക്ഷപ്പെടുത്തിയതും കാഫിറുകള്‍ നശിപ്പിക്കപ്പെട്ടതും 7: 88-90 സൂക്തങ്ങളില്‍ വിവരിച്ചിട്ടുണ്ട്. ത്രികാലജ്ഞാനിയായ അല്ലാഹു, മനുഷ്യരെ ഭൂ മിയിലേക്ക് നിയോഗിച്ചയച്ചിട്ടുള്ളത് കപടവിശ്വാസികള്‍ വിശ്വാസികളുടെ ശത്രുക്കളായിക്കൊണ്ടാണ് എന്ന് 7: 24 ല്‍ പറഞ്ഞിട്ടുണ്ട്. എല്ലാം അടക്കിഭരി ക്കുന്ന സര്‍വ്വാധിപനായ നാഥനില്‍ ഭരമേല്‍പ്പിക്കുന്ന വിശ്വാസികളെ -അവര്‍ എണ്ണത്തിലും വണ്ണത്തിലും എത്ര കുറവാണെങ്കിലും ശരി- കാര്യകാരണബ ന്ധത്തിന് അതീതമായി എക്കാലത്തും അവന്‍ രക്ഷപ്പെടുത്തിയിട്ടുണ്ട്.

2: 256 പ്രകാരം ദീനില്‍ നിര്‍ബന്ധമില്ല എന്ന് ഫുജ്ജാറുകള്‍ പറയുന്നുണ്ടെങ്കിലും ഇന്ന് വിശ്വാസികള്‍ അദ്ദിക്ര്‍ മുറുകെപ്പിടിച്ച് ഫുജ്ജാറുകളുടെ ഒഴുക്കി ല്‍ പെടാതെ നിലകൊള്ളുകയാണെങ്കില്‍ ഫുജ്ജാറുകളിലെ ഗര്‍വ്വിഷ്ഠരായ കപടവിശ്വാസികള്‍ക്ക് വിശ്വാസികളോടുള്ള നയവും ഇതുപോലെത്ത ന്നെയാണ്. അന്ത്യനാളിന്‍റെ പ്രധാനപ്പെട്ട അടയാളങ്ങളില്‍ ഒന്നായ മസീഹുദ്ദജ്ജാലിന്‍റെ നാശമാണ് ആദം സന്തതികള്‍ നേരിടേണ്ടിവരുന്ന ഏറ്റവും വലിയ വിപത്ത് എന്ന് പ്രപഞ്ചനാഥന്‍ അവന്‍റെ പ്രവാചകനിലൂടെ പഠിപ്പിച്ചിട്ടുണ്ട്. അതുകൊണ്ട് ഇന്ന് ഒറ്റപ്പെട്ട വിശ്വാസി അജയ്യഗ്രന്ഥമായ അദ്ദിക്റിനെ സ്വര്‍ഗത്തിലേക്കുള്ള ടിക്കറ്റും എല്ലാവിധ ആപത്ത്-വിപത്തുകളെത്തൊട്ടും രോഗങ്ങളെത്തൊട്ടും ന രകക്കുണ്ഠത്തെത്തൊട്ടും കാത്തുസൂക്ഷിക്കുന്ന പരി ചയും മുഹൈമിനുമായി ഉപയോഗപ്പെടുത്തി ഫുജ്ജാറുകളുടെ ഒഴുക്കില്‍ നിന്ന് മാറിനിന്നാല്‍ മാത്രമേ 2: 186; 3: 79-80 സൂ ക്തങ്ങളില്‍ പറഞ്ഞ പ്രകാരം തന്‍റേടമുള്ളവരാകുകയുള്ളൂ. മസീഹുദ്ദജ്ജാലിനെക്കുറിച്ച് മനസ്സിലാക്കുന്നതിന് 4: 159 വിശദീകരണം വായിക്കുക.