അക്കൂട്ടരാണ് തങ്ങളുടെ ഉടമയുടെ സൂക്തങ്ങളെയും അവനെ കണ്ടുമുട്ടുന്നതിനേയും നിഷേധിച്ചവരായവര്‍; അപ്പോള്‍ അവരുടെ പ്രവര്‍ത്തനങ്ങള്‍ നിഷ്ഫ ലമായി, അതിനാല്‍ വിധിദിവസം നാം അവരുടെ പ്രവര്‍ത്തനങ്ങള്‍ക്ക് യാതൊരു തൂക്കവും നല്‍കുന്നതല്ല.
വിധിദിവസം തൂക്കം സത്യമായ അദ്ദിക്റിനും അതനുസരിച്ചുള്ള പ്രയത്നങ്ങള്‍ക്കുമാണ്, അതുകൊണ്ട് ആരാണോ തന്‍റെ തൂക്കം വര്‍ദ്ധിപ്പിച്ചത്, അക്കൂട്ടര്‍ തന്നെയാണ് വിജയം വരിക്കുന്നവര്‍. ആരാണോ തന്‍റെ തൂക്കം ലഘൂകരിച്ചത്, അക്കൂട്ടര്‍ തന്നെയാണ് തങ്ങളെ സ്വയം നഷ്ടപ്പെടുത്തിയവര്‍, എന്തുകൊണ്ടെന്നാല്‍ അവര്‍ ഐഹികലോകത്ത് നമ്മുടെ സൂക്തങ്ങളോട് അന്ധത കൈക്കൊണ്ടിരുന്നവരായിരുന്നു എന്ന് 7: 8-9 സൂക്തങ്ങളില്‍ പറഞ്ഞിട്ടുണ്ട്. 23: 102-103 സൂക്തങ്ങളില്‍, ആരാണോ തന്‍റെ ഭാരം വര്‍ദ്ധിപ്പിച്ചത്, അക്കൂട്ടര്‍ തന്നെയാണ് വിജയം വരിക്കുക; ആരാണോ തന്‍റെ ഭാരം ലഘൂകരിച്ചത്, അക്കൂട്ടര്‍ തന്നെയാണ് തങ്ങളെ സ്വയം നഷ്ടപ്പെടുത്തിയവരും നരകത്തില്‍ ശാശ്വതരുമെന്ന് പറഞ്ഞിട്ടുണ്ട്. 101: 6-7 സൂക്തങ്ങളില്‍, അപ്പോള്‍ ആരാണോ തന്‍റെ ഭാരം വര്‍ദ്ധിപ്പിച്ചത്, അവന്‍ സൗഭാഗ്യത്തിലും സംതൃപ്തിയിലുമായിരിക്കുമെന്നും; 101: 8-9 സൂക്തങ്ങളില്‍, ആരാണോ തന്‍റെ ഭാരം ലഘൂകരിച്ചത്, അവന്‍ 'ഹാവിയ'യില്‍ -കത്തിയാളുന്ന നരകത്തില്‍- ആപതിക്കുന്നതുമാണെന്നും പറഞ്ഞിട്ടുണ്ട്. ഇഹലോകത്ത് വെച്ചുതന്നെ എല്ലാകാര്യങ്ങളും ത്രാസ്സായ അദ്ദിക്ര്‍ കൊണ്ട് തൂക്കിനോക്കി അല്ലാഹുവിന്‍റെ അടുക്കല്‍ സ്വീകരിക്കപ്പെടുമെന്ന് ഉറപ്പ് വരുത്തുകയാണ് വിശ്വാസികള്‍ ചെയ്യേണ്ടത്. അദ്ദിക്ര്‍ അറിഞ്ഞിട്ട് അതിനെ മൂടിവെച്ച് മറ്റൊരു ജീവിതമാര്‍ഗത്തിലേക്ക് ജനങ്ങളെ നയിക്കുന്ന കപടവിശ്വാസികള്‍ വിചാരണയില്ലാതെ നരകത്തില്‍ പോകുന്നതാണെന്ന് 4: 145 ലും; അദ്ദിക്ര്‍ വന്നുകിട്ടിയിട്ട് അതിനെ പിന്‍പറ്റാന്‍ ശ്രമിക്കാതെ, കപടവിശ്വാസികളെ പിന്‍പറ്റുന്ന അനുയായികള്‍ വിചാരണ കഴിഞ്ഞതിന് ശേഷം കൂട്ടം കൂട്ടമായി നരകക്കുണ്ഠത്തിലേക്ക് തെളിക്കപ്പെടുന്നതാണെന്ന് 39: 71 ലും പറഞ്ഞിട്ടുണ്ട്.
അദ്ദിക്ര്‍ കൊണ്ട് വ്യക്തിജീവിതത്തിലും കുടുംബജീവിതത്തിലും സമൂഹജീവിതത്തി ലും വിധികല്‍പിക്കാത്തവര്‍ തന്നെയാണ് കാഫിറുകളും അ ക്രമികളും തെമ്മാടികളുമെന്ന് യഥാക്രമം 5: 44, 45, 47 സൂക്തങ്ങളില്‍ പറഞ്ഞിട്ടുണ്ട്. 17: 13-14 സൂക്തങ്ങളില്‍ വിവരിച്ച പ്രകാരം നിഷ്പക്ഷവാനായ നാഥന്‍ ആരെയും നരകത്തിലേക്കോ സ്വര്‍ഗത്തിലേക്കോ ആക്കുന്നില്ല. അവര്‍ കണ്ട, കേട്ട, തൊട്ട ഗ്രന്ഥം അവര്‍ക്കെതിരെ വാദിക്കുകയും സാക്ഷിനില്‍ക്കുക യും ചെയ്ത് അവരെ നരകക്കുണ്ഠത്തിലേക്ക് തള്ളിവിടുകയാണ് ചെയ്യുക. ഫുജ്ജാറുകള്‍ നരകക്കുണ്ഠത്തില്‍ വെച്ച് പരസ്പരം തര്‍ക്കിക്കുകയും ശപിക്കുക യും പഴിക്കുകയും ചെയ്യുന്ന രംഗം 2: 165-167 സൂക്തങ്ങളില്‍ മുന്നറിയിപ്പ് നല്‍കിയിട്ടുണ്ട്. 2: 113; 10: 7-8, 108-109, 25: 23 വിശദീകരണം നോക്കുക.