ഗുഹാവാസികള്‍ എഴുന്നേറ്റ ഉടനെ അവരുടെ കയ്യില്‍ ശേഷിപ്പുണ്ടായിരുന്ന വെള്ളിനാണയവും കൊണ്ട് അവരില്‍ നിന്നുള്ള ഒരാളെ പരിശുദ്ധമായ ഭക്ഷണം തേടി പ ട്ടണത്തിലേക്ക് അയക്കുകയാണ്. 

ആ അവസ്ഥയിലും വിശ്വാസികളായ അവര്‍ പരിശുദ്ധമായ ഭക്ഷണം മാത്രമാണ് അന്വേഷിക്കുന്നത്. 16: 114 ല്‍ അല്ലാഹു പറയുന്നു: അപ്പോള്‍ അല്ലാഹു നിങ്ങള്‍ക്ക് നല്‍കിയ അനുവദനീയവും പരിശുദ്ധവുമായ ഭക്ഷണവിഭവങ്ങള്‍ നിങ്ങള്‍ തിന്നുകയും അവന്‍റെ അനുഗ്രഹങ്ങള്‍ക്ക് നന്ദി പ്രകടിപ്പിക്കു കയും ചെയ്യുവിന്‍ -നിങ്ങള്‍ അവനെ മാത്രം സേവിക്കുന്ന അവന്‍റെ പ്രതിനിധികളാണെങ്കില്‍. അല്ലാഹു പരിശുദ്ധനാണ്, പരിശുദ്ധമായത് മാത്രമേ അവന്‍ സ്വീകരിക്കുകയുള്ളൂ. അല്ലാഹുവിന്‍റെ പ്രതിനിധികളായി ജീവിക്കുന്ന വിശ്വാസികള്‍ അനുവദനീയവും പരിശുദ്ധവുമായ ഭക്ഷണവിഭവങ്ങള്‍ മാത്രമേ ഉപയോഗിക്കുകയുള്ളൂ. ആത്മാവിന്‍റെ ഭക്ഷണവും വസ്ത്രവും ദൃഷ്ടിയുമായ അദ്ദിക്റിനെ ത്രാസ്സായി ഉപയോഗപ്പെടുത്തി അനുവദനീയവും പരിശുദ്ധവു മായ ഭക്ഷണം ഉപയോഗിക്കുന്നവര്‍ക്ക് മാത്രമേ 56: 77-79 സൂക്തങ്ങളില്‍ പറഞ്ഞ പ്രകാരം പരിശുദ്ധമായ അദ്ദിക്ര്‍ മനസ്സിലാവുകയുള്ളൂ. നിഷിദ്ധമായ ഭ ക്ഷണം കഴിക്കുകയും മറ്റുള്ളവരെ അതില്‍ നിന്ന് പിന്തിരിപ്പിക്കാ തിരിക്കുകയും ചെയ്യുന്ന 9: 34 ല്‍ പറഞ്ഞ കപടവിശ്വാസികളായ പണ്ഡിത-പുരോ ഹിതന്‍മാര്‍ക്ക് അദ്ദിക്ര്‍ മനസ്സിലാകാത്തത് അതുകൊണ്ടാണ്. പരിശുദ്ധമായ വചനം വിറ്റ് ഭക്ഷിക്കുന്നവരെല്ലാം തങ്ങളുടെ വയറുകളില്‍ തീയാണ് നിറ ക്കുന്നതെന്ന് 2: 174 ല്‍ പറഞ്ഞിട്ടുണ്ട്. 2: 168-169 സൂക്തങ്ങളില്‍ വിവരിച്ച പ്രകാരം പിശാചിന്‍റെ കാല്‍പാടുകളിലൂടെ നേടുന്നതെല്ലാം നിഷിദ്ധവും മ്ലേഛ വുമാണ്, അവ അനുവദനീയമാവുകയില്ല. 2: 188; 4: 29; 7: 169 -170; 10: 27 വിശദീകരണം നോക്കുക.