15: 27 ല്‍ വിവരിച്ച പ്രകാരം ജിന്നുകളെയായിരുന്നു മനുഷ്യര്‍ക്ക് മുമ്പ് ഭൂമിയില്‍ നാഥന്‍റെ പ്രതിനിധികളായി നിശ്ചയിച്ചിരുന്നത്. 15: 28-44 സൂക്തങ്ങളില്‍ വിവരിച്ച പ്രകാരം ആദമിന്‍റെ മുന്നില്‍ സാഷ്ടാംഗം പ്രണമിക്കാന്‍ നാഥന്‍ മലക്കുകളോട് കല്‍പിച്ചപ്പോള്‍ സദസ്സിലുണ്ടായിരുന്ന ഇബ്ലീസ് ഒഴികെ മലക്കുക ളെല്ലാം സാഷ്ടാംഗം പ്രണമിച്ചു. 

ഈ സൂക്തത്തില്‍ മാത്രമാണ് ഇബ്ലീസ് ജിന്നില്‍ പെട്ടവനായിരുന്നു എന്ന് പറഞ്ഞിട്ടുള്ളത്. 2: 34; 38: 74 സൂക്തങ്ങളില്‍ വിവരിച്ച പ്രകാരം പിശാച് കാഫിറു കളില്‍ പെട്ടവനായിരുന്നു. 25: 29 ല്‍ പറഞ്ഞ പ്രകാരം പിശാച് മനുഷ്യനെ അറബി ഖുര്‍ആനില്‍ നിന്നല്ല, മറിച്ച് അദ്ദിക്റില്‍ നിന്നാണ് തടയുക. 7: 27 ല്‍ വിവരിച്ച പ്രകാരം നാഥന്‍ വിശ്വാസികളല്ലാത്തവര്‍ക്ക് -ഫുജ്ജാറുകള്‍ക്ക്- പിശാചിനെ കൂട്ടുകാരനായി നിയോഗിച്ചിട്ടുണ്ട്. കാഫിറുകളുടെ ആഗ്രഹങ്ങള്‍ പൂര്‍ത്തീകരിച്ച് കൊടുക്കാന്‍ പിശാചിന് കഴിവ് കൊടുത്തിട്ടുണ്ടെന്ന് 19: 83 ല്‍ പറഞ്ഞിട്ടുണ്ട്. അപ്പോള്‍ 6: 112; 8: 48 സൂക്തങ്ങളില്‍ വിവരിച്ച പ്രകാരം ഒരു വന്‍ തന്‍റെ ജിന്നു കൂട്ടുകാരനെ അദ്ദിക്ര്‍ കൊണ്ട് വിശ്വാസിയാക്കി മാറ്റിയാല്‍ മാത്രമേ അവന് വിശ്വാസിയാകാനും സ്വര്‍ഗത്തിലേക്ക് തിരിച്ചുപോകാ നും സാധിക്കുകയുള്ളൂ. 4: 150-151; 5: 44, 45, 47; 10: 19 വിശദീകരണം നോക്കുക.