എല്ലാ പ്രവാചകന്മാരെയും അയച്ചിട്ടുള്ളത് അദ്ദിക്റും കൊണ്ടാണ്. എന്നാല്‍ എക്കാലത്തുമുള്ള പ്രവാചകന്മാരുടെ ജനതയില്‍ നിന്നുള്ള മിഥ്യാവാദികള്‍ മിഥ്യകൊണ്ട് സത്യത്തെ തകര്‍ക്കാന്‍ ശ്രമിക്കുന്നവരാണ്. സത്യമായ അദ്ദിക്ര്‍ കൊണ്ട് വിധികല്‍പിക്കുന്ന വിധിദിവസം അത്തരം മിഥ്യാവാദികള്‍ നഷ്ട പ്പെട്ടവരായിരിക്കുമെന്ന് 40: 78 ല്‍ പറഞ്ഞിട്ടുണ്ട്. ഇന്ന് ഇത്തരം സൂക്തങ്ങളെല്ലാം വായിക്കുന്ന ഫുജ്ജാറുകള്‍ 3: 7 ല്‍ വിവരിച്ച പ്രകാരം ഗ്രന്ഥം വായിക്കു ന്ന ഫാജിറുകളും കാഫിറുകളുമാണ്. അവര്‍ ഗ്രന്ഥത്തിന്‍റെ 40 പേരുകളും ലോകരോട് പറയാത്തവരും നാഥന്‍റെ ഗ്രന്ഥം സത്യപ്പെടുത്താതെ 29 കള്ള വാദികളും മനുഷ്യപ്പിശാചുക്കളായ കപടവിശ്വാസികളും എഴുതിയുണ്ടാക്കിയ മിഥ്യാഗ്രന്ഥങ്ങള്‍ പിന്‍പറ്റുന്നവരും പ്രചരിപ്പിക്കുന്നവരുമാണ്. അവര്‍ ഇവിടെവെച്ച് വ്യക്തിജീവിതത്തിലും കുടുംബജീവിതത്തിലും സമൂഹജീവിതത്തിലും അദ്ദിക്ര്‍ കൊണ്ട് വിധികല്‍പിക്കാത്ത, യഥാക്രമം 5: 44, 45, 47 സൂക്തങ്ങളില്‍ പറഞ്ഞ കാഫിറുകളും അക്രമികളും തെമ്മാടികളുമായതിനാല്‍ വിധിദിവസം അദ്ദിക്ര്‍ കൊണ്ട് അവരുടെ പ്രവര്‍ത്തനങ്ങള്‍ വിലയിരു ത്തുമ്പോള്‍ ത്രാസില്‍ തൂക്കം ലഭിക്കുകയില്ല. 2: 119; 10: 103, 108; 17: 81 വിശദീകരണം നോക്കുക.