അദ്ദിക്ർ

അന്ന് വേദക്കാരായ ജൂതക്രൈസ്തവര്‍ വിശ്വാസികളോട് കാണിച്ചിരുന്ന ഈ സ്വഭാവം ഇന്ന് യഥാര്‍ത്ഥ കാഫിറുകളായ അറബി ഖുര്‍ആന്‍ വായിക്കുന്ന ഫുജ്ജാറുകള്‍ക്കാണുള്ളത്. വിശ്വാസിയാകാനുള്ള നാഥന്‍റെ സമ്മതപത്രമായ അദ്ദിക്ര്‍ കൊണ്ടല്ലാതെ എഴുത്തും വായനയും അറിയുന്ന ആരും തന്നെ വിശ്വാസിയാവുകയോ സ്വര്‍ഗത്തില്‍ പ്രവേശിക്കുകയോ ഇല്ല. അദ്ദിക്ര്‍ മുറുകെപ്പിടിച്ച് ഭിന്നിക്കാതെ ഒറ്റ സംഘമാകാനാണ് 3: 103 ല്‍ കല്‍പിച്ചിട്ടുള്ളത് എന്ന് പറയുമ്പോള്‍ അത് സ്വീകരിക്കാതെ അവരവരുടെ സംഘടനകളിലേക്കും മനുഷ്യനിര്‍മ്മിതമായ കര്‍മ്മശാസ്ത്ര ഗ്രന്ഥങ്ങളിലേക്കും ദീനില്‍ നിന്നുപോയ മദ്ഹബുകളിലേക്കും കാക്കകാരണവന്മാരുടെ ചര്യയിലേക്കുമാണ് അവര്‍ വിശ്വാസികളെ തിരിച്ചുകൊണ്ടുപോകാന്‍ ശ്രമിക്കുന്നത്. 7: 127, 137 സൂക്തങ്ങളില്‍ വിവരിച്ച പ്രകാരം ഇജാസില്‍ അവസാനത്തെ ഖലീഫയായ മഹ്ദി വരുന്നതോടെ അവിടെയുള്ള കുഫ്ഫാറുകളെയെല്ലാം പുറത്താക്കുന്നതും മനുഷ്യരില്‍ നിന്നുള്ള വിശ്വാസികളെല്ലാം ഇജാസിലേക്ക് വേര്‍തിരിക്കപ്പെടുന്നതുമാണ്. അതിനുശേഷം കാഫിറുകള്‍ക്ക് അവിടേക്ക് പ്രവേശനം ലഭിക്കുകയില്ല. ശേഷം മസീഹുദ്ദജ്ജാല്‍ പ്രത്യക്ഷപ്പെടുന്നതും ഈസാ രണ്ടാമത് വന്ന് മസീഹുദ്ദജ്ജാലിനെ വധിക്കുന്നതുമാണ്. 2: 39, 105, 159-161; 8: 22; 9: 28, 113; 33: 60-61 വിശദീകരണം നോക്കുക.