അദ്ദിക്ർ

2: 124 ല്‍, എന്‍റെ സന്തതിപരമ്പരകള്‍ക്കും നേതൃസ്ഥാനം നല്‍കണമെന്ന് ഇബ്റാ ഹീം അല്ലാഹുവിനോട് ആവശ്യപ്പെട്ടപ്പോള്‍, അതിന് മറുപടിയായി അവരില്‍ നിന്നുള്ള അക്രമികള്‍ക്ക് അത് ബാധകമല്ലെന്ന് അല്ലാഹു പറഞ്ഞു. അതനുസരിച്ച് ഈ സൂക്തത്തില്‍ പറഞ്ഞ പ്രകാരം അല്ലാഹുവിനെക്കൊണ്ടും അന്ത്യദിനത്തെക്കൊണ്ടും വിശ്വസിച്ചവര്‍ ക്ക് എല്ലാവിധ പഴവര്‍ഗങ്ങളും നല്‍കണമെന്ന് ഇബ്റാഹീം പ്രാര്‍ത്ഥിച്ചപ്പോള്‍ അല്ലാഹു പറ ഞ്ഞു: കാഫിറുകള്‍ക്കും നൈമിഷികമായ ഭൗതിക ജീവിതത്തില്‍ എല്ലാവിധ സുഖസൗക ര്യങ്ങളും നല്‍കുന്നതാണ്, എന്നാല്‍ മരണശേഷം അവരെ അവര്‍ സമ്പാദിച്ച നരകത്തിലേക്ക് തള്ളിവിടുന്നതുമാണ്. അല്ലാഹു നിഷ്പക്ഷവാനായതുകൊണ്ടാണ് ഭ ക്ഷണവിഭവങ്ങളും അധികാരങ്ങളുമെല്ലാം ഇഹലോകത്ത് കാഫിറുകള്‍ക്ക് കൂടുതലായി നല്‍കിയിട്ടുള്ളത്. അല്ലാഹുവിന് സമന്മാരെയുണ്ടാക്കി അദ്ദിക്റില്‍ നിന്ന് ജനങ്ങളെ തട യുന്ന കപടവിശ്വാസികളോടും അവരുടെ അനുയായികളോടും ഒന്നിച്ച്: 'നിങ്ങള്‍ ഈ ഭൗതികജീവിതം ആസ്വദിക്കുക, നിശ്ചയം, നിങ്ങളുടെ മടക്കം നരകത്തിലേക്കാണ്' എന്ന് പറയാന്‍ 14: 30 ലും; വ്യക്തിയോട് 'നിന്‍റെ നിഷേധവും കൊണ്ട് നീ കുറച്ചുകാലം സുഖിക്കുക, നിശ്ചയം നീ നരകവാസികളില്‍ പെട്ടവന്‍ തന്നെയാണ്' എന്ന് പറയാന്‍ 39: 8 ലും കല്‍പിച്ചിട്ടുണ്ട്.

'മടക്കസ്ഥലം':-എല്ലാവരും വന്നത് സ്വര്‍ഗത്തില്‍ നിന്നാണ്. സന്മാര്‍ഗവും ടിക്കറ്റുമാ യ അദ്ദിക്ര്‍ ഉപയോഗപ്പെടുത്തി ഓരോരുത്തര്‍ക്കും സ്വര്‍ഗത്തിലേക്കുതന്നെ തിരിച്ചുപോ കാവുന്നതാണ്. അത് വന്നുകിട്ടിയിട്ട് അത് ഉപയോഗപ്പെടുത്താത്തവര്‍ നരകത്തിലേക്കുമാ ണ് തിരിച്ചുപോവുക. അദ്ദിക്റിനെ മൂടിവെക്കുകയും തള്ളിപ്പറയുകയും ചെയ്യുന്ന ഫുജ്ജാറുകള്‍ 15: 44 ല്‍ പറഞ്ഞപ്രകാരം നരകത്തിന്‍റെ ഏഴ് വാതിലുകളിലേക്ക് നിജപ്പെടുത്തപ്പെട്ടവരാണ്. 3: 162; 8: 16; 9: 73; 22: 72; 24: 57; 57: 15; 58: 8; 64: 10; 66: 9; 67: 6 തുടങ്ങിയ സൂക്തങ്ങളെല്ലാം അവസാനിക്കുന്നത് എത്ര മോശപ്പെട്ട മടക്കസ്ഥലം എന്ന് പറഞ്ഞുകൊണ്ടാണ്. 1: 7; 2: 24-25; 14: 35-37 വിശദീകരണം നോക്കുക.