അദ്ദിക്ർ

അദ്ദിക്റിനെ സന്മാര്‍ഗമായി സ്വീകരിച്ച് അതിനെ പിന്‍പറ്റുന്നവര്‍ മാത്രമാണ് യഥാര്‍ത്ഥ വിശ്വാസികള്‍. അദ്ദിക്ര്‍ മൊത്തം ഉപയോഗപ്പെടുത്താതെ ഗ്രന്ഥത്തില്‍ നിന്ന് ചിലത് എടുക്കുകയും ചിലത് ഒഴിവാക്കുകയും ചെയ്യുന്നവര്‍ ഇസ്ലാമാകുന്ന മൊത്തം വൃക്ഷത്തെ സ്വീകരിക്കാതെ കൊമ്പും പിടിച്ച് ഭിന്നിച്ചുപോയവരും 4: 150-151 ല്‍ പറഞ്ഞ യഥാര്‍ത്ഥ കാഫിറുകളുമാണ്. 2: 176 ല്‍, ഗ്രന്ഥത്തില്‍ ഭിന്നിച്ചവര്‍ നിശ്ചയം സത്യത്തില്‍ നിന്ന് വളരെ ദൂരം അകന്നുപോയി എന്നും പറഞ്ഞിട്ടുണ്ട്. അവരുടെ എല്ലാ ഉപദ്രവങ്ങളില്‍ നിന്നും നിന്നെ സഹായിക്കാന്‍ അല്ലാഹു മതി എന്ന് ഈ സൂക്തത്തിലും, ജനങ്ങളില്‍ നിന്നുള്ള ഉപദ്രവത്തെത്തൊട്ട് നിന്നെ സഹായിക്കാന്‍ അല്ലാഹു മതി എന്ന് 5: 67 ലും പറഞ്ഞിട്ടുണ്ട്. നിന്നോട് കല്‍പിക്കപ്പെട്ടതുപോലെ നീ ഗ്രന്ഥം കൊണ്ട് മുന്നേറുകയും ചെയ്യുക, അല്ലാഹുവിന്‍റെ അധികാരാവകാശങ്ങളില്‍ പങ്കുചേര്‍ക്കുന്നവരെ അവഗണിക്കുക, പരിഹസിക്കുന്നവരെത്തൊട്ട് നിന്നെ സഹായിക്കാന്‍ നാം തന്നെ മതിയായവനാകുന്നു എന്ന് 15: 94-95 ലും പറഞ്ഞിട്ടുണ്ട്. പരിചയും മുഹൈമിനുമായ അദ്ദിക്ര്‍ മുറുകെപ്പിടിച്ച് ജീവിക്കുകയും അതുകൊണ്ട് അതിനെ മൂടിവെക്കുന്ന യഥാര്‍ത്ഥ കാഫിറുകളോട് ജിഹാ ദ് ചെയ്യുകയും ചെയ്യുന്ന വിശ്വാസികള്‍ക്ക് അറബി ഖുര്‍ആന്‍ വായിക്കുന്ന 8: 22 ല്‍ പറഞ്ഞ ദുഷിച്ച ജീവികളില്‍ നിന്നുള്ള ഉപദ്രവങ്ങളും എതിര്‍പ്പുകളും മാത്രമല്ല, ഇതര ജനവിഭാഗങ്ങളില്‍ നിന്നുള്ള ഉപദ്രവങ്ങളും എതിര്‍പ്പുകളും ബാധിക്കുകയില്ല എന്ന് സാരം. 2: 38-39, 48; 4: 115; 47: 32 വിശദീകരണം നോക്കുക.