'നിങ്ങളോട് വാഗ്ദത്തം ചെയ്യുന്നത്' എന്നതുകൊണ്ടുദ്ദേശിക്കുന്നത് വ്യക്തികളെ സംബന്ധിച്ച് മരണവും മൊത്തം മനുഷ്യരെ സംബന്ധിച്ച് വിധിദിവസ വുമാണ്. 5: 67; 13: 40 സൂക്തങ്ങളില്‍ വിവരിച്ച പ്രകാരം പ്രവാചകന്‍റെയും വിശ്വാസിയുടെയും ബാധ്യത മൊത്തം ലോകര്‍ക്കുള്ള നാഥന്‍റെ സന്ദേശമായ അദ്ദിക്ര്‍ ലോകര്‍ക്ക് എത്തിച്ചുകൊടുക്കലാണ്. വിചാരണ നാഥന്‍റെ ബാധ്യതയാണ്. ലോകത്തെവിടെയും വിശ്വാസികളുടെ സംഘമില്ലാത്ത ഇക്കാലത്ത് അദ്ദിക്റിനെ സത്യപ്പെടുത്തുന്ന ഒറ്റപ്പെട്ട വിശ്വാസി സ്വീകരിക്കേണ്ട പ്രാര്‍ത്ഥനാരീതിയും ജീവിതരീതിയും 7: 205-206 സൂക്തങ്ങളില്‍ വിവരിച്ചിട്ടുണ്ട്. 7: 187-188; 9: 129; 18: 110; 21: 35-38 വിശദീകരണം നോക്കുക.