മൊത്തം ലോകര്‍ക്ക് വിളിച്ചുപ്രാര്‍ത്ഥിക്കാനും സഹായംതേടാനും ഭരമേല്‍പ്പിക്കാനും ഭയപ്പെടാനും അര്‍ഹനായിട്ടുള്ളവന്‍ ഏകഇലാഹ് ആണെന്ന് പരി ചയപ്പെടുത്താനും, അവന്‍റെ മുമ്പിലാണ് പതിനഞ്ച് വയസ്സിന് ശേഷം മരണം വരെയുള്ള ഇഹലോകജീവിതത്തെക്കുറിച്ച് ഒറ്റയ്ക്കൊറ്റയ്ക്കായി ഉത്തരം പറയേണ്ടിവരിക എന്ന് പഠിപ്പിക്കാനും, അപ്പോള്‍ നിങ്ങളേയും, നിങ്ങളുടെ വീട്, കുടുംബം, സമ്പത്ത്, നാട്, സ്ഥാനമാനങ്ങള്‍ തുടങ്ങി ജനനം മുതല്‍ മര ണം വരെയുള്ള എല്ലാകാര്യങ്ങളേയും ആ ഇലാഹിന് സമര്‍പ്പിച്ച് ജീവിക്കാന്‍ തയ്യാറാണോ എന്ന് ചോദിക്കാനുമാണ് സൂക്തം കല്‍പിക്കുന്നത്. ഞങ്ങള്‍ സ ര്‍വസ്വം നാഥന് സമര്‍പ്പിച്ച് ജീവിക്കുന്നവരാണെന്ന് (മുസ്ലിംകളാണെന്ന്) മിഥ്യയായി വാദിച്ചുനടക്കുന്ന ഫുജ്ജാറുകളാണ് ഇന്ന് ഇത്തരം സൂക്തങ്ങള്‍ അറ ബി ഖുര്‍ആനില്‍ വായിക്കുന്നത്. എന്നാല്‍ 56: 82 ല്‍ പറഞ്ഞ പ്രകാരം അദ്ദിക്റിനെ തള്ളിപ്പറയുക എന്നത് ഭക്ഷണമാക്കിയിട്ടുള്ള ഭ്രാന്തന്മാരായ അവര്‍, അവരുടെ ആത്മാവിനെതിരെ നിശ്ചയം അവര്‍ കാഫിറുകള്‍ തന്നെയായിരുന്നു എന്ന് 7: 37 പ്രകാരം മരണസമയത്തും 6: 130 പ്രകാരം വിധിദിവസവും സാക്ഷ്യം വഹിക്കുന്നതാണ്. 3: 101-102; 16: 89 സൂക്തങ്ങളില്‍ വിവരിച്ച പ്രകാരം അദ്ദിക്റിനെ സത്യപ്പെടുത്തി ജീവിക്കുന്ന വിശ്വാസികള്‍ മാത്രമാണ് സ ര്‍വസ്വം നാഥന് സമര്‍പ്പിച്ചവരായി മരണപ്പെടുക. 2: 165-167; 20: 134-135; 21: 24-25, 93 വിശദീകരണം നോക്കുക.