അവന്‍റെ അടുത്തുള്ളവരായ മലക്കുകള്‍ ധിക്കാരസ്വഭാവമില്ലാത്തവരും അവനെ സേവിച്ചുകൊണ്ടിരിക്കുന്നതിന് മടുപ്പില്ലാത്തവരുമാണെന്ന് ഈ സൂ ക്തം പഠിപ്പിക്കുന്നു. അതുവഴി അവരെക്കാളും ഉന്നതപദവിയിലുള്ള വിശ്വാസികള്‍ അല്ലാഹുവിന്‍റെ സേവനത്തില്‍ കൂടുതല്‍ വ്യാപൃതരാവണം എന്നാ ണ് ആവശ്യപ്പെടുന്നത്. ഇന്ന് അല്ലാഹുവിനെ സേവിക്കുക, സഹായിക്കുക എന്നതുകൊണ്ടുദ്ദേശിക്കുന്നത് പ്രപഞ്ചം അതിന്‍റെ സന്തുലനത്തില്‍ നിലനിര്‍ ത്താനുള്ള ത്രാസും അമാനത്തുമായ അദ്ദിക്ര്‍ ലോകര്‍ക്ക്, പ്രത്യേകിച്ച് പ്രവാചകന്‍റെ സമുദായത്തില്‍പെട്ട ഇതര ജനവിഭാഗങ്ങള്‍ക്ക് എത്തിച്ചുകൊടു ക്കലും, അതിനെ മൂടിവെക്കുന്ന കപടവിശ്വാസികളോട് അതുകൊണ്ട് ജിഹാദ് ചെയ്യലും, ആയിരം സമുദായങ്ങളില്‍ പെട്ട ജീവികളുടെ ക്ഷേമം ലക്ഷ്യം വെച്ച് ജൈവകൃഷി ചെയ്യലും ഫലവൃക്ഷങ്ങള്‍ വെച്ച് പിടിപ്പിക്കലുമെല്ലാമാണ്. 'അവര്‍ മടുപ്പുളവാക്കപ്പെടുന്നവരുമല്ല' എന്ന് പറഞ്ഞതിന്‍റെ വിവക്ഷ സ്രഷ്ടാവിന്‍റെ സന്ദേശമായ അദ്ദിക്ര്‍ ലോകര്‍ക്ക് എത്തിച്ചുകൊടുക്കുന്നതില്‍ നിന്ന് വിശ്വാസികളെ പിന്തിരിപ്പിക്കാന്‍ ഒരുശക്തിക്കും സാധിക്കുകയില്ല എന്നാണ്. 7: 206 ല്‍, നിശ്ചയം നിന്‍റെ നാഥന്‍റെ അടുത്തുള്ളവര്‍ ഒരിക്കലും അവനെ സേവിക്കുന്നതിനെത്തൊട്ട് അഹങ്കരിച്ച് പിന്തിരിയുന്നവരല്ല, അവര്‍ അവനെ വാഴ്ത്തുന്നവരും അവന് സാഷ്ടാംഗം പ്രണമിക്കുന്നവരുമാകുന്നു എന്ന് പറഞ്ഞിട്ടുണ്ട്. 5: 67; 9: 120-125; 16: 48-50 വിശദീകരണം നോക്കുക.