2: 29 ല്‍ വിവരിച്ച പ്രകാരം അവനാണ് ഭൂമിയിലുള്ള എല്ലാ വസ്തുക്കളെയും നിങ്ങള്‍ക്കുവേണ്ടി സൃഷ്ടിച്ചിട്ടുള്ളത്, പിന്നെ അവന്‍ ആകാശത്തിന് നേരെ തിരിഞ്ഞു, അതിനെ ഏഴ് തട്ടുകളായി സംവിധാനിക്കുകയും ചെയ്തു. അവന്‍ എല്ലാഓരോ കാര്യവും അറിയുന്ന സര്‍വജ്ഞാനിയുമാണ്. പ്രപഞ്ചം രൂപപ്പെ ടുത്തുന്നതിന് മുമ്പ് അവന്‍റെ സിംഹാസനം ജലത്തിന്മേല്‍ ആയിരുന്നു എന്ന് 11: 7 ല്‍ പറഞ്ഞിട്ടുണ്ട്. പ്രപഞ്ചം ആദ്യത്തില്‍ ഒറ്റ പിണ്ഡമായിരുന്നു. പിന്നെ നാഥന്‍റെ കല്‍പനയാല്‍ മഹാവിസ്ഫോടനം നടക്കുകയും പിന്നെ ഇന്ന് കാണുന്ന വിധത്തില്‍ അതിനെ സംവിധാനിക്കുകയുമാണുണ്ടായത്. 14: 48 ല്‍ വി വരിച്ച പ്രകാരം അന്ത്യദിനത്തില്‍ നാഥന്‍ മറ്റൊരു വിസ്ഫോടനം വഴി ഭൂമിയെ ഇടിച്ച് പൊടിച്ച് നിരപ്പാക്കുന്നതുമാണ്. 

ജീവന്‍ നിലനിര്‍ത്തുന്നതിന് വെള്ളം അനിവാര്യമാണ്. 'എല്ലാ ജീവികളെയും നാഥന്‍ വെള്ളത്തില്‍ നിന്നാണ് സൃഷ്ടിച്ചിട്ടുള്ളത്, അവയില്‍ ഉദരത്തിന്മേ ല്‍ സഞ്ചരിക്കുന്നവയുണ്ട്, രണ്ട് കാലില്‍ സഞ്ചരിക്കുന്നവയുമുണ്ട്, അവയില്‍ നാല് കാലുകളില്‍ സഞ്ചരിക്കുന്നവയുമുണ്ട്, അല്ലാഹു അവന്‍ ഉദ്ദേശിക്കു ന്നത് സൃഷ്ടിക്കുന്നു, നിശ്ചയം അവന്‍ എല്ലാഓരോ കാര്യത്തിനും കഴിവുള്ളവനുമാണ്' എന്ന് 24: 45 ലും; 'അവന്‍ തന്നെയാണ് വെള്ളത്തില്‍ നിന്ന് മനു ഷ്യരെ സൃഷ്ടിച്ചതും അവരില്‍ രക്തബന്ധവും വിവാഹബന്ധവും ഉണ്ടാക്കിയതും, നിന്‍റെ നാഥന്‍ എല്ലാഓരോ കാര്യത്തിനും കഴിവുള്ള സര്‍വശക്തന്‍ തന്നെയായിരിക്കുന്നു' എന്ന് 25: 54 ലും പറഞ്ഞിട്ടുണ്ട്. 15: 86 ല്‍ വിവരിച്ച പ്രകാരം അവന്‍ എല്ലാ സൃഷ്ടികളെക്കുറിച്ചും എല്ലാ സൃഷ്ടിപ്പിനെക്കുറിച്ചും അ റിയുന്ന ഏകനാണ്. 4: 150-151; 14: 10; 15: 85; 16: 40 വി ശദീകരണം നോക്കുക.