അവര്‍ അവരുടെ ആത്മാവിലേക്ക് മടങ്ങി എന്ന് പറഞ്ഞതിന്‍റെ വിവക്ഷ ആ ജനത ചിന്തയും ബോധവുമുള്ളവരായി മാറി എന്നാണ്. പ്രതിഫലനശേഷി പോലുമില്ലാത്ത വിഗ്രഹങ്ങളെ പൂജിക്കുന്ന മനുഷ്യര്‍ തന്നെയാണ് അക്രമികളെന്ന് അവര്‍ക്ക് ബോധ്യമായി എന്ന് സാരം. 

എന്നാല്‍ ഇത്തരം സൂക്തങ്ങളെല്ലാം വായിക്കുന്ന, അല്ലാഹുവിന്‍റെ കോപത്തിനും ശാപത്തിനും വിധേയരായ കപടവിശ്വാസികളുടെയും അനുയായിക ളുടെയും മേലിലാണ് അല്ലാഹുവിന്‍റെ കോപവും ശാപവും പതിച്ചിട്ടുള്ളത് എന്നും, അവര്‍ക്ക് നരകഗര്‍ത്തം ഒരുക്കിവെച്ചിട്ടുണ്ടെന്നും 4: 140; 9: 67-68; 48: 6 എന്നീ സൂക്തങ്ങളിലെല്ലാം പറഞ്ഞിട്ടുണ്ട്. ചിന്താശക്തി ഉപയോഗപ്പെടുത്താത്തവരും 'ദിക്രീ' എന്ന ഗ്രന്ഥം കേള്‍ക്കാന്‍ തയ്യാറാകാത്തവരും അതിനെക്കു റിച്ച് ലോകരോട് പറയാന്‍ തയ്യാറാകാത്തവരുമായ അവരെ ഏറ്റവും ദുഷ്ടജീവികളെന്നാണ് 8: 22 ല്‍ വിശേഷിപ്പിച്ചിട്ടുള്ളത്. 1: 7; 2: 6-7, 62; 48: 6 വിശദീകര ണം നോക്കുക.