ഒരു ജനതയുടെ കൃഷിയിടത്തില്‍ മറ്റൊരു ജനതയുടെ ആടുകള്‍ കയറി മേയുക യുണ്ടായി. അപ്പോള്‍ അവര്‍ വിധി തേടിക്കൊണ്ട് ദാവൂദിന്‍റെയും സു ലൈമാന്‍റെയും അടുത്തുവന്നു. കൃഷി നശിപ്പിച്ച ആടുകളെ കൃഷിയുടെ ഉടമസ്ഥന് നല്‍കാനാണ് ദാവൂദ് വിധിച്ചത്. എന്നാല്‍ രണ്ടാമത് കൃഷിചെയ്ത് ശ രിപ്പെടുത്തി കൊടുക്കുന്നതുവരെ ആടുക ളെ കൃഷിസ്ഥലത്തിന്‍റെ ഉടമക്ക് നല്‍കാനാണ് സുലൈമാന്‍ വിധിച്ചത്. പ്രസ്തുത കാലയളവില്‍ ആടുകളില്‍ നിന്ന് ലഭിക്കുന്ന പാല്‍, രോമം, കുട്ടികള്‍ തുടങ്ങിയവ കൃഷിയുടെ ഉടമക്ക് ഉപയോഗിക്കാമെന്നാണ് സുലൈമാന്‍ വിധിച്ചത്. ഇതില്‍ നീതിയുക്തമായ തീരുമാനം സുലൈമാന്‍റേതായിരുന്നുവെന്നാണ് 'അപ്പോള്‍ സുലൈമാന് നാം അതിന്‍റെ ശരിയായ വിധി മനസ്സിലാക്കിക്കൊടുത്തു' എന്ന് സൂക്തത്തില്‍ പ റഞ്ഞതിന്‍റെ വിവക്ഷ. ദാവൂദിന്‍റെ മകനാണ് സുലൈമാന്‍. ദാവൂദ് ഗ്രന്ഥം നല്‍കപ്പെട്ട പ്രവാചകനും മകനായ സുലൈമാന്‍ ആ ഗ്രന്ഥം പിന്‍പറ്റുന്ന നബി യുമായിരുന്നു. അവര്‍ ഇരുവരും രാജാക്കന്മാരുമായിരുന്നു. എന്നാല്‍ അല്ലാഹു പ്രവാചകന്മാരില്‍ ചിലര്‍ക്ക് ചിലരേക്കാള്‍ പദവികള്‍ നല്‍കിയിട്ടുണ്ടെന്ന് 2: 253 ല്‍ പറഞ്ഞിട്ടുണ്ട്. ആകാശഭൂമികളിലും അവക്കിടയിലും നടക്കുന്ന എല്ലാഓരോ സംഭവവും ത്രികാലജ്ഞാനിയായ അല്ലാഹു നേരത്തെ നിശ്ചയിച്ച് ഒരുഗ്രന്ഥത്തില്‍ രേഖപ്പെടുത്തിയതനുസരിച്ചാണ് നടക്കുന്നത് എന്നാണ് 'എല്ലാം പ്രവര്‍ത്തിപ്പിച്ചുകൊണ്ടിരുന്നത് നാം തന്നെയായിരുന്നു' എന്ന് സൂക്ത ത്തില്‍ പറഞ്ഞതിന്‍റെ വിവക്ഷ. 10: 61; 11: 5-6; 17: 17 വിശദീകരണം നോക്കുക.