അല്ലാഹു നശിപ്പിക്കുന്ന ഏതൊരു നാട്ടുകാരും അവസാനനേരത്ത് ഖേദിച്ച് മടങ്ങി കുറ്റം സമ്മതിക്കുമെന്നാണ് സൂക്തത്തിന്‍റെ ഒരാശയം. നശിപ്പിക്കപ്പെട്ട നാട്ടിലെ നിവാസികളെ വിധിദിവസം പുനരുജ്ജീവിപ്പിച്ച് ഒരുമിച്ചുകൂട്ടാതിരിക്കുക എന്നത് നിഷിദ്ധമാണ് എന്നാണ് സൂക്തത്തിന്‍റെ മറ്റൊരു ആശയം. അവര്‍ക്ക് മുമ്പ് എത്രയെത്ര നാട്ടുകാരെയാണ് നാം നശിപ്പിച്ചിട്ടുള്ളത്, നിശ്ചയം അവര്‍ ഇവരിലേക്ക് തിരിച്ചുവരുന്നില്ല എന്നത് അവര്‍ കാണുന്നില്ലേ, അവ രെല്ലാവരും തന്നെ അവസാനം നമ്മുടെ അടുക്കല്‍ ഹാജരാക്കപ്പെടുന്നതുമാണ് എന്ന് 36: 31-32 സൂക്തങ്ങളില്‍ പറഞ്ഞിട്ടുണ്ട്. 21: 14-16, 35 വിശദീകരണം നോക്കുക.