68: 51-52 സൂക്തങ്ങളില്‍, അദ്ദിക്ര്‍ കേള്‍പ്പിക്കുമ്പോള്‍ കാഫിറുകളായവര്‍ നിന്നെ ദഹിപ്പിക്കുന്ന വിധം അവരുടെ ദൃഷ്ടികള്‍ കൊണ്ട് തുറിച്ചുനോക്കുന്ന തും നിശ്ചയം ഇവന്‍ ഒരു ജിന്ന് ബാധിച്ചവന്‍ തന്നെയാണെന്ന് പറയുന്നതുമാണ്. എന്നാല്‍ ഇത് സര്‍വ്വലോകങ്ങള്‍ക്കുമുള്ള ഒരു ഉണര്‍ത്തലല്ലാതെ അല്ല എ ന്ന് പറഞ്ഞിട്ടുണ്ട്. അദ്ദിക്ര്‍ ലോകര്‍ക്ക് മൊത്തമുള്ള ഉണര്‍ത്തലും സ്വര്‍ഗത്തിലേക്കുതന്നെ തിരിച്ചുപോകാനുള്ള ടിക്കറ്റുമായതിനാല്‍ അദ്ദിക്റിനെ മൂ ടിവെക്കുന്ന കാഫിറുകള്‍ക്ക് നരകക്കുണ്ഠത്തിലെ തീയാണ് നാഥന്‍ വാഗ്ദാനം ചെയ്തിട്ടുള്ളത്. ഇക്കാര്യം മനസ്സിലാക്കിയ വിശ്വാസികള്‍ അവരുടെ ഉത്തര വാദിത്തം നിര്‍വഹിക്കുന്നതിനുവേണ്ടി അദ്ദിക്ര്‍ മറ്റുള്ളവര്‍ക്ക് വിവരിച്ചുകൊടുക്കുമ്പോള്‍ കാഫിറുകളുടെ മുഖത്ത് വെറുപ്പ് പ്രകടമാകുന്നതും വിശ്വാ സികളുടെ കാലിനടിയിലെമണ്ണ് നീങ്ങിപ്പോകത്തക്ക വിധത്തിലുള്ള തുറിച്ച നോട്ടം നോക്കുന്നതുമാണ്. 

'നമ്മുടെ സൂക്തങ്ങള്‍ വിശദീകരിക്കുന്നവരെ' എന്ന് ബഹുവചനത്തില്‍ പറഞ്ഞതിനാല്‍ പ്രവാചകന് മാത്രമല്ല, അദ്ദിക്ര്‍ വിവരിക്കുന്ന എക്കാലത്തുമു ള്ള വിശ്വാസികള്‍ക്കും ഈ അനുഭവം നേരിടേണ്ടിവരുന്നതാണ്. ഗ്രന്ഥത്തെ ഭാഗം വെച്ച് ചിലത് എടുക്കുകയും ചിലത് ഒഴിവാക്കുകയും ചെയ്യുന്ന ഫു ജ്ജാറുകളില്‍ നിന്ന് ആദരസൂചകമായ പെരുമാറ്റമാണ് അദ്ദിക്ര്‍ പറയുന്നവന് ലഭിക്കുന്നതെങ്കില്‍ അവന്‍ അല്ലാഹു ഉദ്ദേശിച്ച ആശയത്തില്‍ ഗ്രന്ഥം പറ യാത്തവനും പണത്തിനും സ്ഥാനമാനങ്ങള്‍ക്കും വേണ്ടി ഗ്രന്ഥം പറയുന്ന കപടവിശ്വാസിയുമാണ്. അതുകൊണ്ടാണ് കപടവിശ്വാസികളെക്കുറിച്ച് 'അ വര്‍ സംസാരിക്കുമ്പോള്‍ അവരുടെ വാക്കുകള്‍ നീ കേട്ടുനിന്നുപോകും' എന്ന് 63: 4 ല്‍ പറഞ്ഞിട്ടുള്ളത്. 9: 67- 68; 10: 15-16; 20: 124-127; 74: 49-51 വിശദീക രണം നോക്കുക.