അദ്ദിക്റാണ് നാഥന്‍റെ സന്ദേശം. മലക്കുകളില്‍ നിന്നുള്ള ദൂതന്മാര്‍ മുഖേന മനുഷ്യരില്‍ നിന്ന് തെരഞ്ഞെടുത്ത ദൂതന്മാരിലേക്ക് അവന്‍ അത് ദിവ്യസ ന്ദേശമായി എത്തിച്ചുകൊടുക്കുന്നു. 'നിശ്ചയം ഇതൊരു മാന്യനായ സന്ദേശവാഹകന്‍റെ വചനം തന്നെയാണ്' എന്ന് 69: 40 ല്‍ പറഞ്ഞതിലെ സന്ദേശവാഹ കന്‍ മനുഷ്യരുടെ നേതാവായ പ്രവാചകന്‍ മുഹമ്മദും; 81: 19 ല്‍ പറഞ്ഞ സന്ദേശവാഹകന്‍ മലക്കുകളുടെ നേതാവായ ജിബ്രീലുമാണ്. 

പ്രപഞ്ചം അതിന്‍റെ സന്തുലനത്തില്‍ നിലനിര്‍ത്താനുള്ള ത്രാസ്സും അമാനത്തുമായ അദ്ദിക്ര്‍ വന്നുകിട്ടിയവര്‍ അത് മറ്റുള്ളവരിലേക്ക് പകര്‍ത്തേണ്ട താണ്. അല്ലാത്ത പക്ഷം നാഥന്‍റെ സന്ദേശമായ അദ്ദിക്റിനെ മൂടിവെക്കുന്ന ജനതയെ നിശ്ചയം നാഥന്‍ സന്മാര്‍ഗത്തിലേക്ക് നയിക്കുകയില്ല എന്ന് 5: 67; 16: 107 എന്നീ സൂക്തങ്ങളില്‍ പറഞ്ഞത് അവരുടെമേല്‍ ബാധകമാകുന്നതാണ്. 2: 1-2; 16: 102; 18: 100-105 വിശദീകരണം നോക്കുക.