അപ്പോള്‍ നാം അവനിലേക്ക് ദിവ്യസന്ദേശം നല്‍കി: നമ്മുടെ മേല്‍നോട്ടത്തിലും നമ്മുടെ നിര്‍ദ്ദേശത്തിലും നീയൊരു കപ്പല്‍ നിര്‍മിച്ചുകൊള്ളുക; അ ങ്ങനെ നമ്മുടെ കല്‍പന വരികയും അടുപ്പില്‍ നിന്ന് ഉറവ് പൊട്ടുകയും ചെയ്താല്‍ എല്ലാ ജീവജാലങ്ങളില്‍ നിന്നും രണ്ട് ഇണകളെയും നിന്‍റെ കുടുംബത്തെയും - അവരില്‍ നിന്നുള്ള ആരുടെ കാര്യത്തിലാണോ വചനം മുന്‍കടന്നത് അവനൊഴികെ അതില്‍ കയറ്റുക, അക്രമികളായവരുടെ കാര്യത്തില്‍ നീ എന്നോട് സംസാരിച്ചു പോകരുത്; നിശ്ചയം, അവര്‍ മുക്കിക്കൊല്ലപ്പെടേണ്ടവരാകുന്നു.
ജീവജാലങ്ങളില്‍ നിന്നും രണ്ടുജോടി ഇണകളെയും വിശ്വാസികളായ നൂഹിന്‍റെ കുടുംബത്തില്‍ പെട്ടവരെയും (ഒരു മകനും ഭാര്യയും ഒഴിച്ച്) കപ്പലില്‍ കയറ്റാനാണ് സൂക്തത്തില്‍ കല്‍പിക്കുന്നത്. ഇവിടെ പ്രവാചകന്‍റെ കുടുംബത്തില്‍ പെട്ടവരെ എന്ന് പറഞ്ഞതില്‍ എല്ലാ വിശ്വാസികളും ഉള്‍പ്പെടുന്നതാ ണ്. 11: 37-40, 45-47 വിശദീകരണം നോക്കുക.