ആത്മാവിന്‍റെ ഭക്ഷണവും വസ്ത്രവും ദൃഷ്ടിയുമായ അദ്ദിക്ര്‍ വന്നുകിട്ടിയിട്ട് അത് ഉപയോഗപ്പെടുത്തി തന്‍റെ ജിന്നുകൂട്ടുകാരനെ വിശ്വാസിയാക്കാത്ത ഏതൊരാളും മേല്‍പ്രകാരം പറയുന്നതാണ്. ഗ്രന്ഥത്തെ വളച്ചൊടിക്കുകയും തള്ളിപ്പറയുകയും ചെയ്യുന്ന അക്രമികളായ അവര്‍ 7: 37 പ്രകാരം മരണസ മയത്ത് നിശ്ചയം അവര്‍ കാഫിറുകള്‍ തന്നെയായിരുന്നു എന്ന് ആത്മാവിനെതിരെ സാക്ഷ്യം വഹിക്കുന്നതാണ്. ഇത്തരം സൂക്തങ്ങളെല്ലാം വായിക്കു ന്നുണ്ടെങ്കിലും ആശയമില്ലാത്തതിനാല്‍ പിശാചിനെത്തൊട്ട് അഭയം തേടുന്നതിന് പകരം ചിന്താശേഷി ഉപയോഗപ്പെടുത്താത്ത അവര്‍ 36: 59-62 സൂക്ത ങ്ങളില്‍ പറഞ്ഞ പ്രകാരം പിശാചിനെ സേവിച്ചുകൊണ്ടിരിക്കുന്ന യഥാര്‍ത്ഥ ഭ്രാന്തന്മാരായിത്തീര്‍ന്നിരിക്കുന്നു. 'എന്നെ നീ എന്‍റെ ജീവിതത്തിലേക്ക് തി രിച്ചയച്ചാലും' എന്ന് പറയാതെ 'എന്നെ നീ എന്‍റെ ജീവിതമേഖലകളിലേക്ക് തിരിച്ചയച്ചാലും' എന്നാണ് അവരില്‍ ഓരോരുത്തരും പറയുക. കാരണം മര ണസമയത്ത് അവന്‍റെ ജീവിതരംഗങ്ങള്‍ അവന്‍റെ മുമ്പില്‍ പ്രദര്‍ശിപ്പിക്കപ്പെടുകയും ജീവിതത്തിന്‍റെ ഒരുമേഖലയില്‍ മാത്രമല്ല, എല്ലാമേഖലകളിലും അ വന്‍ വഴികേടിലായിരുന്നു എന്ന് അവന് ബോധ്യം വരികയും ചെയ്യുന്ന രംഗമാണ് ഇവിടെ വരച്ചുകാണിക്കുന്നത്. 17: 13-15; 23: 62-63; 63: 10 വിശദീകരണം നോക്കുക.