വിശ്വാസികളായ പുരുഷന്മാര്‍ അന്യസ്ത്രീകളെ എവിടെവെച്ച് ഏത് സന്ദര്‍ഭത്തില്‍ കാണുമ്പോഴും അവരുടെ ദൃഷ്ടികള്‍ താഴ്ത്തണമെന്നാണ് സൂക്ത ത്തില്‍ പറയുന്നത്. അവരെ നോക്കരുതെന്നോ കണ്ണ് ചിമ്മണമെന്നോ അല്ല, മറിച്ച് ആളെ തിരിച്ചറിഞ്ഞാല്‍ പിന്നെ ദുര്‍വിചാരത്തോടുകൂടി തുറിച്ചുനോ ക്കുകയോ ഒളികണ്ണിട്ട് നോക്കുകയോ ചെയ്യരുത് എന്നാണ് 'ദൃഷ്ടി താഴ്ത്തണമെന്ന്' പറഞ്ഞതിന്‍റെ വിവക്ഷ. അല്ലെങ്കില്‍ അത് കണ്ണിന്‍റെ വ്യഭിചാരമായി മാറുന്നതാണ്. ഇനി അഥവാ ജിന്നുകൂട്ടുകാരന്‍ 'അല്ലാഹു ഹൃദയങ്ങളുടെ അവസ്ഥ അറിയുന്നവനാണ്' എന്ന വസ്തുത വിസ്മരിപ്പിക്കുകയാണെങ്കില്‍ ഓര്‍ മ്മ വന്നാലുടനെ അല്ലാഹുവിനോട് പൊറുക്കലിനെ തേടേണ്ടതാണ്. 7: 205-206 വിശദീകരണം നോക്കുക.

വിശ്വാസികള്‍ക്ക് അന്യസ്ത്രീകളെ ലൈംഗിക ദുര്‍വിചാരങ്ങളിലേക്ക് നയിക്കുന്ന നോട്ടം പാടില്ല എന്നുമാത്രമല്ല, തങ്ങളുടെ ഗുഹ്യസ്ഥാനങ്ങള്‍ വെളി പ്പെടുത്താനും പാ ടില്ല. അഥവാ അന്യസ്ത്രീകളില്‍ വികാരം ഉത്തേജിപ്പിക്കുന്ന തരത്തിലുള്ള വസ്ത്രധാരണരീതിയോ സംസാരമോ ഒന്നും പാടില്ല എ ന്നാണ് 'അവര്‍ അവരുടെ ഗുഹ്യസ്ഥാനങ്ങള്‍ സൂക്ഷിക്കട്ടെ' എന്നുപറഞ്ഞതിന്‍റെ വിവക്ഷ. അവരവരുടെ പ്രവര്‍ത്തനങ്ങള്‍ മാത്രമല്ല, വിചാരവികാരങ്ങ ളും നെഞ്ചകങ്ങളുടെ അവസ്ഥയും കണ്ണിന്‍റെ കട്ടുനോട്ടത്തിന്‍റെ ആശയവും തുടര്‍ന്നുള്ള അതിന്‍റെ പ്രത്യാഘാതങ്ങളുമെല്ലാം ത്രികാലജ്ഞാനിയായ അ ല്ലാഹു ആദ്യമേ നിശ്ചയിച്ചിട്ടുണ്ട് എന്നാണ് 'നിശ്ചയം അല്ലാഹു അവര്‍ ഉത്പാദിപ്പിച്ചുകൊണ്ടിരിക്കുന്നതെല്ലാം വലയം ചെയ്തവനാകുന്നു' എന്നുപറഞ്ഞ തിന്‍റെ വിവക്ഷ. അപ്പോള്‍ ഇക്കാര്യങ്ങളെല്ലാം ഉണര്‍ത്തുന്ന അദ്ദിക്ര്‍ മുറുകെപ്പിടിച്ച് നിലകൊള്ളുകയാണ് ഇന്ന് മ്ലേച്ഛപ്രവൃത്തികളിലേക്കും കുറ്റകൃത്യ ങ്ങളിലേക്കും തെന്നിപ്പോകാതിരിക്കാനുള്ള ഏകമാര്‍ഗ്ഗം. 7: 201; 10: 61; 31: 22 വിശദീകരണം നോക്കുക.