പ്രകാശമാകുന്ന അദ്ദിക്റിനെ മൂടിവെക്കുന്ന കാഫിറുകളുടെ കര്‍മ്മങ്ങള്‍ മരുഭൂമിയിലെ മരീചികയോടാണ് മുന്‍സൂക്തത്തില്‍ ഉപമിച്ചതെങ്കില്‍, ഇവി ടെ ആഴക്കടലിലെ ഇരുട്ടുകളോടാണ് ഉപമിക്കുന്നത്. സമുദ്രത്തില്‍ താഴോട്ട് പോകുന്തോറും സൂര്യപ്രകാശത്തിന്‍റെ ഏഴുവര്‍ണങ്ങള്‍ ഘട്ടംഘട്ടമായി ഇല്ലാ താകുന്നതും അങ്ങനെ വീണ്ടും താഴോട്ടുപോയാല്‍ പിന്നെ ഒരുനിറവും കാണാന്‍ കഴിയാത്ത അഥവാ സൂര്യപ്രകാശത്തിന്‍റെ ഒരുകണം പോലുമില്ലാത്ത അവസ്ഥ വരുന്നതും ഇന്ന് ശാസ്ത്രജ്ഞന്മാര്‍ കണ്ടെത്തിയിട്ടുള്ള കാര്യമാണ്. 'കൈനീട്ടിയാല്‍ അതുപോലും അവന്‍ കാണുകയില്ല' എന്ന് സൂക്തത്തില്‍ പറഞ്ഞതിനെ ഇത് സത്യപ്പെടുത്തുന്നു. ആഴക്കടലിലെ ആന്തരിക തിരമാലകളെക്കുറിച്ചുള്ള സൂക്തത്തിലെ പരാമര്‍ശവും ശ്രദ്ധേയമാണ്.

പ്രകാശം അദ്ദിക്റിന്‍റെ 40 പേരുകളില്‍ ഒന്നാണ്. 14: 1 ല്‍ വിവരിച്ച പ്രകാരം പ്രകാശമായ അദ്ദിക്ര്‍ അവതരിപ്പിച്ചിട്ടുള്ളത് മനുഷ്യരെ അന്ധകാരങ്ങളില്‍ നിന്നും പ്രകാശത്തിലേക്ക് നയിക്കുന്നതിന് വേണ്ടിയാണ്. 9: 32-33 സൂക്തങ്ങളില്‍ വിവരിച്ച പ്രകാരം അറബി ഖുര്‍ആന്‍ വായിക്കുന്ന ഫുജ്ജാറുകള്‍ അവ രുടെ വായകൊണ്ട് പ്രകാശമായ അദ്ദിക്റിനെ ഊതിക്കെടുത്താന്‍ ശ്രമിക്കുന്നവരാണെങ്കിലും നാഥന്‍ അവന്‍റെ പ്രകാശം പൂര്‍ത്തിയാക്കുകതന്നെ ചെ യ്യും. 6: 25-26 സൂക്തങ്ങളില്‍ വിവരിച്ച പ്രകാരം ഫുജ്ജാറുകള്‍ പ്രകാശമായ അദ്ദിക്ര്‍ ഉപയോഗപ്പെടുത്തുകയോ മറ്റുള്ളവര്‍ക്ക് ഉപയോഗപ്പെടുത്താന്‍ നല്‍ കുകയോ ചെയ്യുകയില്ല. അദ്ദിക്റിനെത്തൊട്ട് ബധിരരും ഊമരും അന്ധരുമായ അവരെ ആയിരം സമുദായങ്ങളില്‍പെട്ട ജീവികളില്‍ വെച്ച് ഏറ്റവും ദു ഷിച്ച ജീവികള്‍ എന്നാണ് 8: 22 ല്‍ വിശേഷിപ്പിച്ചിട്ടുള്ളത്. 

ഒന്നിനുമീതെ മറ്റൊന്നായി അനേകം ഇരുട്ടുകളില്‍ തളച്ചിടപ്പെട്ട കാഫിറുകളില്‍ നിന്നും വിഭിന്നമായി വിശ്വാസികള്‍ പ്രകാശമാകുന്ന അദ്ദിക്റിനെ എപ്പോഴും മുറുകെപ്പിടിച്ച് നിലകൊള്ളുന്നവരും, 66: 8 ല്‍ പറഞ്ഞതുപോലെ ഞങ്ങളുടെ നാഥാ, ഞങ്ങള്‍ക്ക് നീ ഞങ്ങളുടെ പ്രകാശം -അദ്ദിക്ര്‍- പൂര്‍ത്തി യാക്കിത്തരേണമേ, ഞങ്ങള്‍ക്ക് നീ പൊറുത്തുതരേണമേ, നിശ്ചയം നീ എല്ലാകാര്യത്തിനും കഴിവുള്ള സര്‍വ്വശക്തന്‍ തന്നെയാകുന്നു എന്ന് എപ്പോഴും പ്രാര്‍ത്ഥിക്കുന്നവരുമാണ്. 4: 174-175; 24: 35; 42: 52 വിശദീകരണം നോക്കുക.