40: 69-74 സൂക്തങ്ങളില്‍, അല്ലാഹുവിന്‍റെ സൂക്തങ്ങളുടെ കാര്യത്തില്‍ തര്‍ക്കിക്കുന്നവരിലേക്ക് നിന്‍റെ ശ്രദ്ധ തിരിഞ്ഞില്ലേ? എങ്ങനെയാണ് അവര്‍ വ്യതി ചലിപ്പിക്കപ്പെട്ടുകൊണ്ടിരിക്കുന്നത്. ഗ്രന്ഥത്തെ കളവാക്കിക്കൊണ്ടിരിക്കുന്നവരാണ് അവര്‍ -നാം എന്തും കൊണ്ടാണോ നമ്മുടെ പ്രവാചകന്മാരെ അയ ച്ചത് അതിനെയും; അപ്പോള്‍ അടുത്തുതന്നെ അവര്‍ അറിയുന്നതാണ്. അവരുടെ കഴുത്തുകളില്‍ വളയങ്ങളിടുകയും ചുട്ടുപ്പഴുത്ത വെള്ളത്തിലേക്ക് ചങ്ങലകളില്‍ ബന്ധിച്ച് വലിച്ചിഴക്കപ്പെടുകയും ചെയ്യുന്ന സന്ദര്‍ഭം; പിന്നെ നരകത്തില്‍ തിളപ്പിക്കപ്പെടുന്നവരാവുകയും ചെയ്യുന്ന സന്ദര്‍ഭം, പിന്നെ അ വരോട് ചോ ദിക്കപ്പെടും: നിങ്ങള്‍ അല്ലാഹുവിനെക്കൂടാതെ പങ്കുചേര്‍ത്തുകൊണ്ടേയിരുന്നവര്‍ എവിടെ? അവര്‍ പറയും: അവര്‍ ഞങ്ങളെത്തൊട്ട് വഴി മാറിപോയിരിക്കുന്നു; അല്ല, ഞങ്ങള്‍ ഇതിനുമുമ്പ് ഒരുവസ്തുവിനേയും വിളിച്ച് പ്രാര്‍ത്ഥിക്കുന്നവരായിരുന്നില്ല, അപ്രകാരം കാഫിറുകളെ അല്ലാഹു വഴി പിഴപ്പിച്ചിരിക്കുന്നു എന്ന് പറഞ്ഞിട്ടുണ്ട്. 3: 7 ല്‍ വിവരിച്ച പ്രകാരം ഫാജിറുകളും കാഫിറുകളുമായി അറബി ഖുര്‍ആന്‍ വായിക്കുന്ന ഫുജ്ജാറുകള്‍ ത ന്നെയാണ് 4: 150-151 സൂക്തങ്ങളില്‍ പറഞ്ഞ യഥാര്‍ത്ഥ കാഫിറുകള്‍. 2: 24, 165-167 വിശദീകരണം നോക്കുക.