മുഹമ്മദിന്‍റെ സമുദായത്തില്‍ (ഉമ്മത്ത്) മുഹമ്മദ് പ്രവാചകനായി നിയോഗിപ്പെട്ട തുമുതല്‍ അന്ത്യനാള്‍ വരെയുള്ള എല്ലാമനുഷ്യരും ഉള്‍പ്പെടുന്നു, എന്നാല്‍ ജനതയില്‍ (ഖൗം) പ്രവാചകന്‍റെ അഭിസംബോധകരായ മക്കാമുശ്രിക്കുകളും 35: 32 ല്‍ പറഞ്ഞ പ്രകാരം ഗ്രന്ഥം അനന്തരമെടുത്തവരും മാത്രമാണ് ഉള്‍പ്പെടുക. അപ്പോള്‍ ഐഹികലോകത്തുവെച്ചും വിധി ദിവസത്തിലും തന്‍റെ സമുദായത്തിന് അനുകൂലമായി പ്രാര്‍ത്ഥിക്കുന്ന പ്രവാചകന്‍, പരലോകത്തുവെച്ച് തന്‍റെ ജനതക്കെതിരെ ഗ്രന്ഥവും കൊണ്ടുവന്ന് 'എന്‍റെ ഈ ജനത ഇതിനെ തള്ളിപ്പറഞ്ഞ് അവഗണിച്ച് അതില്‍നിന്ന് ഒളിച്ചോടിപ്പോ യതാണ് അവര്‍ക്ക് പറ്റിയ ദുര്‍ഗതി' എന്ന് അന്യായം പറയുന്ന രംഗമാണ് ഇവിടെ മുന്നറിയിപ്പ് നല്‍കുന്നത്. അറബി ഖുര്‍ആന്‍ അല്ല, മറിച്ച് അദ്ദിക്റാണ് വ്യക്തവും സ്പഷ്ടവുമായ വായന എന്ന് 36: 69 ല്‍ പറഞ്ഞിട്ടുണ്ട്. 21: 24-25 സൂക്തങ്ങളില്‍ വിവരിച്ച പ്രകാരം 313 പ്രവാചകന്മാര്‍ക്കും അവതരിപ്പിച്ചിട്ടുള്ളത് സത്യവും തെളിവുമായ അദ്ദിക്ര്‍ തന്നെയാണ്. 56: 82 ല്‍ വിവരിച്ച പ്രകാരം ഇന്ന് ഗ്രന്ഥത്തിന്‍റെ ആളുകളെന്ന് ദുരഭിമാനിക്കുന്ന പ്രവാചകന്‍റെ ജനതയില്‍ പെട്ട അറബി ഖുര്‍ആന്‍ വായിക്കുന്ന ഫുജ്ജാറുകള്‍ അദ്ദിക്റിനെ തള്ളിപ്പറയുക എന്നത് ഭക്ഷണമാക്കിയവരാണ്. അതിനാല്‍ 9: 82 ല്‍ വിവരിച്ച പ്രകാരം അവര്‍ വായിച്ച, തൊട്ട, കേട്ട സൂക്തങ്ങള്‍ അവര്‍ക്കെതിരെ വാദിച്ചുകൊണ്ടും സാക്ഷിനിന്നുകൊണ്ടും അവരെ നരകക്കുണ്ഠത്തിലേക്ക് തള്ളിവിടു കയാണ് ചെയ്യുക. 9: 28, 95, 125 സൂക്തങ്ങളില്‍ വിവരിച്ച പ്രകാരം മാലിന്യമായ ഫുജ്ജാറുകള്‍ക്ക് അദ്ദിക്ര്‍ മാലിന്യത്തിനുമേല്‍ മാലിന്യമല്ലാതെ വര്‍ധി പ്പിക്കുകയില്ല. 5: 78; 23: 63-68; 25: 18 വിശദീകരണം നോക്കുക.