രണ്ട് സമുദ്രങ്ങളെ കൂടിച്ചേര്‍ന്ന നിലയില്‍ സ്വതന്ത്രമായി ഒഴുക്കിയവന്‍, അവരണ്ടിനുമിടയില്‍ പരസ്പരം കൂടിക്കലരാത്ത വിധത്തിലുള്ള കാണാത്ത ഒരു മറയുണ്ട് എന്ന് 55: 19-20 സൂക്തങ്ങളിലും പറഞ്ഞിട്ടുണ്ട്. ഉപ്പുവെള്ളമടങ്ങിയ സമുദ്രത്തില്‍ കുടിക്കാനുതകുന്ന സ്വാദിഷ്ടമായ ശുദ്ധജലത്തിന്‍റെ പ്രവാഹ വുമുണ്ടെന്നാണ് സൂക്തം പഠിപ്പിക്കുന്നത്. അവയെ വേര്‍തിരിക്കുന്ന അടയാളങ്ങളൊന്നുമില്ലെന്നും അത് ഉപയോഗപ്പെടുത്തുന്നതിനെക്കുറിച്ച് മനുഷ്യര്‍ അശ്രദ്ധയിലാണ് എന്നുമാണ് അവയ്ക്കിടയില്‍ ഒരു മറയുണ്ട് എന്ന് പറഞ്ഞതിന്‍റെ വിവക്ഷ. അവ തമ്മില്‍ കൂടിച്ചേരാതിരിക്കുമാറ് കാണാന്‍ കഴിയാത്ത കന്മതില്‍ പോലെയുള്ള ഒരു ഭിത്തിയുണ്ടെന്നാണ് കാണാത്ത ഒരുതടസ്സവുമുണ്ട് എന്ന് പറഞ്ഞതിന്‍റെ വിവക്ഷ. 

ലോകാവസാനത്തിന്‍റെ പ്രധാനപ്പെട്ട പത്ത് അടയാളങ്ങളിലൊന്നായ യഅ്ജൂജ്- മഅ്ജൂജ് വിഭാഗങ്ങള്‍ പ്രത്യക്ഷപ്പെട്ട് കരയിലുള്ള ശുദ്ധജലസ്രോതസ്സുക ളെല്ലാം കൈവശപ്പെടുത്തുകയും അങ്ങനെ ജനങ്ങള്‍ക്ക് കുടിവെള്ളക്ഷാമം അനുഭവപ്പെടുകയും ചെയ്യുമ്പോള്‍ കടലിലുള്ള ഇത്തരം ശുദ്ധജലസ്രോത സ്സുകള്‍ ഉപയോഗപ്പെടുത്താന്‍ മനുഷ്യര്‍ നിര്‍ബന്ധിതരായേക്കും. ഇത്തരം വിജ്ഞാനങ്ങളൊന്നും അറിവില്ലാതിരുന്ന ആറാം നൂറ്റാണ്ടില്‍ അവതീര്‍ണ മായ ഈ ഗ്രന്ഥം സൃഷ്ടികളുടേതൊന്നുമല്ല, മറിച്ച് ത്രികാലജ്ഞാനിയായ സ്രഷ്ടാവിന്‍റേത് തന്നെയാണ് എന്ന് തെളിയിക്കുന്നതുകൂടിയാണ് ഇത്തരം സൂക്ത ങ്ങള്‍. പൂര്‍വികഗ്രന്ഥങ്ങളില്‍ പരാമര്‍ശിക്കാത്ത ഇത്തരം കാര്യങ്ങള്‍ അദ്ദിക്റില്‍ മാത്രമാണ് വിശദീകരിച്ചിട്ടുള്ളത് എന്നതിനാല്‍ ഇന്ന് ലോകര്‍ക്കെല്ലാ വര്‍ക്കുമുള്ള സന്മാര്‍ഗമായ ഏകഗ്രന്ഥം അദ്ദിക്ര്‍ മാത്രമാണ്. എന്നാല്‍ അറബി ഖുര്‍ആന്‍ വായിക്കുന്ന ഫുജ്ജാറുകള്‍ ഇന്ന് സ്രഷ്ടാവില്‍ നിന്നുള്ള ഏറ്റ വും വലിയ അനുഗ്രഹവും മിഥ്യകലരാത്ത അജയ്യഗ്രന്ഥവുമായ അദ്ദിക്റിനെ അവഗണിക്കുകവഴി ലോകത്തെവിടെയും പിടിവള്ളിയില്ലാതെ നിന്ദ്യരാ യിത്തീര്‍ന്നിരിക്കുകയാണ്. 23: 99-100; 38: 28-29; 41: 41-42, 52-53 വിശദീകരണം നോക്കുക.