നാഥന്‍റെ സന്ദേശമായ അദ്ദിക്ര്‍ എത്തിച്ച് തരുന്നതിന് പ്രവാചകന്മാര്‍ ആരും തന്നെ യാതൊരു പ്രതിഫലവും ചോദിച്ചിട്ടില്ല; ആരാണോ അതിനെ ടി ക്കറ്റായി ഉപയോഗപ്പെടുത്തി തന്‍റെ നാഥനിലേക്ക് എത്തിപ്പെടാന്‍ ഉദ്ദേശിച്ചത്, അതൊഴികെ. അങ്ങനെ ആരെങ്കിലും നാഥനിലേക്ക് എത്തിപ്പെട്ടാല്‍ അതിനുള്ള പ്രതിഫലത്തിന്‍റെ ഒരുഭാഗം പ്രവാചകന് ലഭിക്കുന്നതാണ്. പ്രവാചകനെ സാക്ഷ്യപ്പെടുത്തി ജീവിക്കുന്ന വിശ്വാസികള്‍ നാഥനില്‍ നിന്നുള്ള ഗ്രന്ഥത്തിന്‍റെ ഏറ്റവും നല്ല വിശദീകരണമായ അദ്ദിക്ര്‍ എത്തിച്ചുകൊടുക്കുന്നതിന് ഐഹികലോകത്തുവെച്ച് പ്രതിഫലം ആഗ്രഹിക്കുകയോ സ്വീക രിക്കുകയോ ഇല്ല. അങ്ങനെ സ്വീകരിക്കുന്നവര്‍ തങ്ങളുടെ വയറുകളില്‍ തീയല്ലാതെ നിറക്കുന്നില്ല എന്ന് 2: 174 ല്‍ പറഞ്ഞിട്ടുണ്ട്. 11: 29; 12: 104; 38: 86 വിശദീകരണം നോക്കുക.