അവര്‍ ആവശ്യപ്പെട്ട പ്രകാരം അല്ലാഹു അവര്‍ക്ക് ഒരു ഒട്ടകത്തെ ദൃഷ്ടാന്തമായി നല്‍കുകയുണ്ടായി. അവര്‍ക്ക് പരീക്ഷണമായി നല്‍കപ്പെട്ട ആ ഒട്ടകത്തിന് എല്ലാ ദിവസവും കുടിവെള്ളം നല്‍കണമെന്നും എന്നാല്‍ ജനങ്ങള്‍ക്കും അവരുടെ കന്നുകാലികള്‍ക്കും നിശ്ചയിച്ച ദിവസങ്ങളില്‍ ഊഴമനുസരിച്ച് മാത്രമേ കുടിവെള്ളം എടുക്കാവൂ എന്നും വ്യവസ്ഥ വെക്കുകയും ചെയ്തു. ഗുഹാവാസികളുടെ നായയെപ്പോലെ പ്രസ്തുത ഒട്ടകവും പ്രസവിക്കപ്പെട്ടതായിരുന്നില്ല. വെള്ളത്തിന് ക്ഷാമമുണ്ടായിരുന്ന അന്ന് ഒട്ടകത്തിന് ദിവസവും യഥേഷ്ടം വെള്ളം നല്‍കണമെന്നതും സമൂദ് ജനതക്കും കന്നുകാലികള്‍ക്കും ഒന്നിടവിട്ട ദിവസങ്ങളില്‍ മാത്രമേ വെള്ളം ലഭിച്ചിരുന്നുള്ളൂ എന്നതും അവര്‍ക്കൊരു കടുത്ത പരീക്ഷണമായിരുന്നു. 11: 64-65; 54: 27-28; 112: 1-4 വിശദീകരണം നോക്കുക.