ഇത്തരം അനുഗ്രഹങ്ങളെല്ലാം നല്‍കപ്പെട്ട സുലൈമാന്‍ നബി നന്ദിയുള്ള അടിമയായി നിലകൊള്ളുന്നതിന് വേണ്ടിയും ഉടമ തൃപ്തിപ്പെട്ട വിധത്തിലുള്ള സല്‍കര്‍മ്മങ്ങള്‍ പ്രവര്‍ത്തിക്കാനുള്ള അവസരം ലഭിക്കുന്നതിന് വേണ്ടിയും, 4: 69 ല്‍ പറഞ്ഞ നബിമാര്‍, സത്യത്തെ സത്യപ്പെടുത്തുന്നവര്‍, സത്യസാക്ഷികള്‍, സജ്ജനങ്ങള്‍ തുടങ്ങിയവരുള്‍ക്കൊള്ളുന്ന അല്ലാഹുവിന്‍റെ ഏകസംഘത്തില്‍ ഉള്‍പ്പെടുന്നതിന് വേണ്ടിയും വിനീതനായി താഴ്മയോടുകൂടി നാഥനോട് പ്രാര്‍ത്ഥിക്കുകയാണ് ചെയ്യുന്നത്. അതുവഴി, വിശ്വാസികള്‍ക്ക് എന്തൊക്കെ പ്രൗഢമായ അനുഗ്രഹങ്ങള്‍ ലഭിച്ചാലും സര്‍വ്വലോകങ്ങളുടെയും ഉടമയായ അല്ലാഹുവിനെമാത്രം ആശ്രയിക്കുന്നവരും സ്മരിക്കുന്നവരും നന്ദിപ്രകടിപ്പിക്കുന്നവരുമായി നിലകൊള്ളണ മെന്നാണ് ഈ സൂക്തം പഠിപ്പിക്കുന്നത്. സൂക്തത്തില്‍ പറഞ്ഞ കാരുണ്യം അദ്ദിക്ര്‍ തന്നെയാണ്. നാല്‍പ്പതുവയസ്സ് തികഞ്ഞ വിശ്വാസികളുടെ പ്രാര്‍ ത്ഥന എങ്ങനെയായിരിക്കണമെന്ന് 46: 15 ല്‍ പറഞ്ഞിട്ടുണ്ട്. 1: 6; 7: 196; 26: 83 വിശദീകരണം നോക്കുക.