ഏകദേശം ആയിരത്തി അഞ്ഞൂറ് കിലോമീറ്റര്‍ ദൂരെയുള്ള ബല്‍ക്കീസ് രാജ്ഞിയുടെ കൊട്ടാരത്തിലുള്ള സിംഹാസനം സുലൈമാന്‍ നബി, തന്‍റെ സഭ പിരിഞ്ഞ് എഴുന്നേല്‍ക്കുന്നതിന് മുമ്പ് ഞാന്‍ കൊണ്ടുവന്ന് തരാമെന്നാണ് ജിന്നുകളില്‍ നിന്നുള്ള ഒരുമല്ലന്‍ പറഞ്ഞതെങ്കില്‍, കണ്ണ് ഇമവെട്ടുന്ന സമയത്തിനുള്ളില്‍ കൊണ്ടുവന്ന് തരാമെന്നാണ് ഗ്രന്ഥത്തില്‍ നിന്നുള്ള അറിവ് ലഭിച്ച മനുഷ്യന്‍ പറഞ്ഞത്. എല്ലാ അനുഗ്രഹങ്ങളും നല്‍കപ്പെട്ടിട്ടുള്ള സുലൈമാന്‍ നബിക്കുപോലും ബല്‍ക്കീസ് രാജ്ഞിയുടെ സിംഹാസനം കണ്ണ് ഇമവെട്ടുന്ന സമയത്തിനുള്ളില്‍ മുന്നില്‍ കൊണ്ടുവന്ന് വെച്ചുകൊടുത്തത് ഗ്രന്ഥത്തിന്‍റെ ആത്മാവായ അദ്ദിക്റില്‍ നിന്ന് അറിവുള്ള ഒരു മനുഷ്യനാണ്. ഇസ്മുല്‍ അഅ്ളം അഥവാ ഏറ്റവും മഹത്തായ പേരുകള്‍ ഉപയോഗിച്ചാണ് അദ്ദേഹം അത് നിര്‍വഹിച്ചത് എന്ന് പ്രപഞ്ചനാഥന്‍ അവന്‍റെ നിരക്ഷരനായ പ്രവാചകനിലൂടെ പഠിപ്പിച്ചിട്ടുണ്ട്. ജിന്നുകളെക്കാളും മറ്റു സൃഷ്ടികളെക്കാളു മെല്ലാം കഴിവും ശ്രേഷ്ഠതയുമുള്ളത് ഗ്രന്ഥത്തില്‍ നിന്നുള്ള അറിവ് ലഭിച്ച മനുഷ്യര്‍ക്കാണെന്ന് ഈ സൂക്തം പഠിപ്പിക്കുന്നു. അറിവില്ലാത്ത കാര്യങ്ങള്‍ ചോദിക്കേണ്ടത് ഇന്ന് ത്രികാലജ്ഞാനമായ അദ്ദിക്റിന്‍റെ ആളോടാണ് എന്ന് 16: 43 ലും 21: 7 ലും; നിഷ്പക്ഷവാനായ പ്രപഞ്ചനാഥനെക്കുറിച്ച് പ്രവാചകനും വിശ്വാസിയും ചോദിക്കേണ്ടത് അദ്ദിക്റിന്‍റെ രചയിതാവായ ത്രികാലജ്ഞാനിയോടാണ് എന്ന് 25: 59 ലും പറഞ്ഞിട്ടുണ്ട്. 3: 2, 7; 5: 48; 45: 13 വിശദീകരണം നോക്കുക.