ആകാശഭൂമികളെയും അവക്കിടയിലുള്ള മനുഷ്യരടക്കമുള്ള സര്‍വ്വചരാചരങ്ങളെയും സൃഷ്ടിച്ച് പരിപാലിക്കുന്ന അല്ലാഹു തന്നെയാണ് ആകാശത്തുനിന്ന് മഴ വര്‍ഷിപ്പിച്ച് അതുകൊണ്ട് എല്ലാവിധ സസ്യലതാദികളും ജോടികളായി മുളപ്പിച്ച് സുന്ദരങ്ങളായ തോട്ടങ്ങളും പൂന്തോപ്പുകളുമെല്ലാം ഉണ്ടാക്കിത്തരുന്നത്. മനുഷ്യരില്‍ അധികപേരും നന്ദികെട്ടവരായതിനാല്‍ ഈ അല്ലാഹുവിന്‍റെ സ്ഥാനത്ത് മറ്റുഇലാഹുകളെ പകരം വെക്കുന്നവരാണ്. ഇത്തരം സൂക്തങ്ങളെല്ലാം അറബി ഖുര്‍ആനില്‍ വായിക്കുന്ന കപടവിശ്വാസികളും അവരുടെ അനുയായികളായ മുശ്രിക്കുകളുമുള്‍പ്പെട്ട ഫുജ്ജാറുകള്‍ അല്ലാഹുവിനെക്കുറിച്ച് ദുഷിച്ച ധാരണ വെച്ചുപുലര്‍ത്തുന്നവരും അല്ലാഹുവിന്‍റെ കോപവും ശാപവും ബാധിച്ചവരും നരകക്കുണ്ഠം ഒരുക്കിവെക്കപ്പെട്ടവരുമാണെന്ന് 33: 72-73; 48: 6; 98: 6 എന്നീ സൂക്തങ്ങളില്‍ പറഞ്ഞിട്ടുണ്ട്. അവര്‍ ഒരു കെട്ട ജനതയാകാന്‍ കാരണം അദ്ദിക്റിനെ വിസ്മരിച്ചതാണെന്ന് 25: 17-18 സൂക്തങ്ങളില്‍ അവര്‍ വായിച്ചിട്ടുണ്ട്. ഗ്രന്ഥത്തിന്‍റെ ഏറ്റവും നല്ല വിശദീകരണമായ അദ്ദിക്റിനെ സത്യപ്പെടുത്തി ജീവിക്കുകയും 7: 26 ല്‍ പറഞ്ഞ ആത്മാവിന്‍റെ ഭക്ഷണവും വസ്ത്രവും ദൃഷ്ടിയുമായ അതിനെ ഉപയോഗപ്പെടുത്താന്‍ ലോകര്‍ക്ക് നല്‍കിക്കൊണ്ട് പ്രപഞ്ചനാഥനെ ഹൃദയത്തിന്‍റെ ഭാഷയില്‍ പരിചയപ്പെടുത്തുകയും ചെയ്യേണ്ട ബാധ്യത 32: 4; 35: 32 സൂക്തങ്ങള്‍ പ്രകാരം ഫുജ്ജാറുകള്‍ക്കാണുള്ളത്. ആ ബാധ്യത നിറവേറ്റാത്ത ഇവര്‍ മരണപ്പെടുമ്പോള്‍ ഓരോരുത്തരും ആത്മാവിനെതിരെ 'നിശ്ചയം ഞാന്‍ കാഫിര്‍ തന്നെയായിരുന്നു' എന്ന് സാക്ഷ്യം വഹിക്കുമെന്ന് 7: 37 ല്‍ പ റഞ്ഞിട്ടുണ്ട്. തങ്ങളുടെ മുഖങ്ങളില്‍ നരകക്കുണ്ഠത്തിലേക്ക് വലിച്ചിഴക്കപ്പെടാനുള്ളവരും ചിന്താശക്തി ഉപയോഗപ്പെടുത്താത്തവരുമായ അത്തരം ഫുജ്ജാറുകള്‍ 1000 സമുദായങ്ങളില്‍ പെട്ട ജീവജാലങ്ങളില്‍ വെച്ച് ഏറ്റവും ദുഷിച്ച സ്ഥാനത്തുള്ളവരും ഏറ്റവും വഴിപിഴച്ചവരുമാണെന്ന് 8: 22; 25: 33-34 എന്നീ സൂക്തങ്ങളില്‍ അവര്‍ വായിച്ചിട്ടുണ്ട്. 9: 82 ല്‍ വിവരിച്ച പ്രകാരം അവര്‍ കണ്ട, കേട്ട, തൊട്ട, വായിച്ച ഗ്രന്ഥം അവര്‍ക്കെതിരെ വാദിച്ചുകൊണ്ടും സാക്ഷ്യം വഹിച്ചുകൊണ്ടും അവരെ നരകക്കുണ്ഠത്തിലേക്ക് തള്ളിവിടുകയാണ് ചെയ്യുക. 6: 1; 23: 51-53; 25: 58-59 വിശദീകരണം നോക്കുക.