നീ പറയുക: അല്ലാഹുവിനാണ് സര്‍വ്വസ്തുതിയും, തന്‍റെ തെരഞ്ഞെടുക്കപ്പെട്ട ദാസന്മാരുടെമേല്‍ രക്ഷയുണ്ടായിരിക്കട്ടെ; അല്ലാഹുവാണോ ഉത്തമന്‍, അ തോ അവര്‍ പങ്കുചേര്‍ത്തുകൊണ്ടിരിക്കുന്നവരോ?
അല്ലാഹുവിനെ സ്തുതിക്കാനും അവന്‍ തെരഞ്ഞെടുത്ത ദൂതന്മാരുടെമേല്‍ സമാധാനത്തിനും രക്ഷക്കും വേണ്ടി പ്രാര്‍ത്ഥിക്കാനുമാണ് പ്രവാചകനോടും അതുവഴി വിശ്വാസികളോടും കല്‍പിച്ചിട്ടുള്ളത്. ഈ അല്ലാഹുവാണോ അതോ മുശ്രിക്കുകള്‍ അവനില്‍ പങ്കുചേര്‍ക്കുന്ന അല്ലാഹുവിന്‍റെതന്നെ ഏതെ ങ്കിലും സൃഷ്ടികളാണോ ഉത്തമന്‍ എന്നാണ് സൂക്തത്തിലൂടെ ചോദിക്കുന്നത്. ഇന്ന് ഈ സൂക്തങ്ങള്‍ വായിക്കുന്ന ഫുജ്ജാറുകള്‍ തന്നെയാണ് ലോകത്ത് എല്ലായിടത്തും 'അല്ലാഹ്' എന്ന ബോധമില്ലാതെ അവന്‍റെ സൃഷ്ടികളുടെ പേരില്‍ നേര്‍ച്ച വഴിപാടുകള്‍ നടത്തിയും 30: 30-32 സൂക്തങ്ങളുടെ കല്‍പനക്ക് വിരുദ്ധമായിക്കൊണ്ട് വിവിധ സംഘടനകളായി വേര്‍തിരിഞ്ഞും മുശ്രിക്കുകളായിത്തീര്‍ന്ന, 58: 19 ല്‍ പറഞ്ഞ പിശാചിന്‍റെ സംഘക്കാര്‍. 2: 165-170; 14: 21-22 വിശദീകരണം നോക്കുക.