കരയിലെയും കടലിലെയും അന്ധകാരങ്ങളില്‍ നിന്ന് നിങ്ങളെ മാര്‍ഗദര്‍ശനം ചെയ്യുന്ന, തന്‍റെ കാരുണ്യത്തിന്‍റെ മുന്നോടിയായി ശുഭവാര്‍ത്ത യായിക്കൊണ്ട് കാറ്റുകളെ അയക്കുന്നവനുമായവന്‍! ഈ അല്ലാഹുവിനോടൊപ്പം വേറെ വല്ല ഇലാഹുമുണ്ടോ? അവര്‍ പങ്കുചേര്‍ക്കുന്നതിനെത്തൊട്ടെല്ലാം അല്ലാഹു എത്രയോ അത്യുന്നതനാണ്.
സ്രഷ്ടാവിനെ പരിചയപ്പെടുത്തുന്ന അദ്ദിക്ര്‍ ഉപയോഗപ്പെടുത്താതെ ഊഹങ്ങളുടെ അടിസ്ഥാനത്തില്‍ അല്ലാഹുവിനെക്കുറിച്ച് തെറ്റായ ധാരണകള്‍ വെച്ചുപുലര്‍ത്തുന്നത് ശിര്‍ക്കാണ്. അഥവാ അല്ലാഹുവിന്‍റെ അധികാരാവകാശങ്ങളില്‍ പങ്കുചേര്‍ക്കലാണ്. 83: 7 ല്‍ പറഞ്ഞ പ്രകാരം നരകക്കുണ്ഠത്തി ലേക്കുള്ള സിജ്ജീന്‍ പട്ടികയിലുള്ള ഭ്രാന്തന്മാരും ഫുജ്ജാറുകളുമായ അവര്‍ക്ക് അവരുടെ പ്രവര്‍ത്തനങ്ങള്‍ 83: 18 ല്‍ പറഞ്ഞ സ്വര്‍ഗത്തിലുള്ള ഇല്ലിയ്യീന്‍ പട്ടികയില്‍ രേഖപ്പെടുത്തുന്നതിനുവേണ്ടി ആകാശത്തിന്‍റെ വാതിലുകള്‍ തുറന്നുകൊടുക്കുകയോ, തുന്നല്‍കാരന്‍റെ സൂചിയുടെ ദ്വാരത്തിലൂടെ ഒട്ടകം പ്രവേശിക്കുന്നതുവരെ അവര്‍ സ്വര്‍ഗത്തില്‍ പ്രവേശിക്കുകയോ ഇല്ല എന്ന് 7: 40 ല്‍ പറഞ്ഞിട്ടുണ്ട്. ആയിരത്തില്‍ ഒന്നായ വിശ്വാസികള്‍ മാത്രമേ അ ദ്ദിക്റിനെ സ്വര്‍ഗത്തിലേക്കുള്ള ടിക്കറ്റായി ഉപയോഗപ്പെടുത്തുകയും അല്ലാഹുവിനെ ഏക ഇലാഹായി അംഗീകരിക്കുകയുമുള്ളൂ. 10: 35-36; 16: 15-18; 35: 10 വിശദീകരണം നോക്കുക.