അദ്ദിക്ർ

വിധിദിവസം ആര്‍ക്കാണോ തന്‍റെ കര്‍മ്മരേഖ പിറകിലൂടെ ഇടതുകൈയ്യില്‍ നല്‍കപ്പെട്ടത്, അവന്‍ നാശത്തിനുവേണ്ടി കേഴുന്നതാണ്, കത്തിയാളുന്ന നരകത്തില്‍ വേവിക്കപ്പെടുന്നതാണ്; അവന്‍ ഐഹികലോകത്ത് തന്‍റെ കുടുംബാംഗങ്ങളോടൊപ്പം ആഹ്ളാദപൂര്‍വ്വം കഴിഞ്ഞുകൂടുന്നവനായിരുന്നു എന്ന് 84: 10-13 ല്‍ പറഞ്ഞിട്ടുണ്ട്. മദീനയിലെ കപടവിശ്വാസികള്‍ പ്രവാചകന്‍റെ കൂടെ തബൂക്കിലേക്ക് പോകാതെ മദീനയില്‍ ഇരിപ്പുറപ്പിച്ചതില്‍ ആഹ്ളാദം കണ്ടെത്തിയവരായിരുന്നു. അവര്‍ തങ്ങളുടെ സമ്പത്തുകൊണ്ടും ആത്മാവുകൊണ്ടും അല്ലാഹുവിന്‍റെ മാര്‍ഗത്തില്‍ ജിഹാദ് ചെയ്യുന്നതിന് വെറുപ്പുള്ളവരായിരുന്നു എന്നും അവര്‍ വിശ്വാസികളോട് 'നിങ്ങള്‍ ഈ പൊരിവെയി ലത്ത് പുറപ്പെടരുത്' എന്ന് പറയുകയും ചെയ്തു; അവരോട് 'നരകഗര്‍ത്തത്തിലെ തീ യാണ് ഏറ്റവും കഠിനമായ ചൂടുള്ളത്, നിങ്ങള്‍ ജീവിതലക്ഷ്യം ഗ്രഹിക്കുന്നവരാണെ ങ്കില്‍! നിങ്ങള്‍ സമ്പാദിച്ചുകൊണ്ടിരിക്കുന്നതിന്‍റെ പ്രതിഫലമായി നിങ്ങള്‍ക്ക് ലഭിക്കു ന്നത് നരകഗര്‍ത്തമായതിനാല്‍ കുറച്ച് ചിരിച്ചുകൊള്ളുക, കൂടുതല്‍ കരയുകയും ചെ യ്യുക' എന്ന് പറയാന്‍ 9: 81-82 ല്‍ പ്രവാചകനോട് കല്‍പിച്ചിട്ടുണ്ട്. 16: 90; 23: 51-53; 98: 6 വിശദീകരണം നോക്കുക.