അദ്ദിക്ർ

കപടവിശ്വാസികളുടെ സ്വഭാവം 9: 50 ല്‍ ഇങ്ങനെ വിവരിച്ചിരിക്കുന്നു: നിനക്ക് ഒരു നന്മ ബാധിച്ചാല്‍ അത് അവരെ ദുഃഖിപ്പിക്കും, നിനക്ക് ഒരു തിന്മ ബാധിച്ചാലോ, ഞങ്ങള്‍ ഞങ്ങളുടെ കാര്യം മുമ്പേ തന്നെ നോക്കി എന്നുപറഞ്ഞുകൊണ്ട് അവര്‍ ആഹ്ലാദഭരിതരായി പിന്തിരിഞ്ഞുപോകുന്നതാണ്. 9: 51 ല്‍, 'ത്രികാലജ്ഞാനിയായ നാഥന്‍ എന്താണോ ഞങ്ങള്‍ക്ക് രേഖപ്പെടുത്തി വെച്ചിരിക്കുന്നത്, അതല്ലാതെ ഞങ്ങളെ ബാധിക്കുകയില്ല, അവനാണ് ഞങ്ങളുടെ യജമാനന്‍, അപ്പോള്‍ വിശ്വാസികള്‍ എല്ലാ കാര്യങ്ങളും അല്ലാഹുവിലാണ് ഭരമേല്‍പിക്കുക' എന്ന് അവരോട് പറയാന്‍ പ്രവാചകനോട് കല്‍പിക്കുന്നു. 25: 58 ല്‍ പറഞ്ഞ ത്രികാലജ്ഞാനിയായ നാഥനില്‍ നിന്നുള്ള ത്രികാലജ്ഞാനമായ അദ്ദിക്ര്‍ ഇന്ന് 25: 59 ല്‍ പറഞ്ഞ ത്രികാലജ്ഞാനിയിലൂടെ ഗ്രന്ഥമായി രൂപപ്പെട്ടിരിക്കെ വിശ്വാസി അതിനെ മുറുകെപ്പിടിച്ച് ജീവിക്കുക വഴി നാഥനെ മുറുകെപ്പിടിച്ച് നേരെച്ചൊവ്വെയുള്ള പാതയില്‍ ചരിക്കുന്നവനാണെന്ന് 2: 256; 3: 101; 4: 175; 5: 48 തുടങ്ങിയ സൂക്തങ്ങളില്‍ പറഞ്ഞിട്ടുണ്ട്. 8: 48 ല്‍ വിവരിച്ച പ്രകാരം അവന്‍ തന്‍റെ ജിന്നുകൂട്ടുകാരനെ അദ്ദിക്ര്‍ കൊണ്ട് വിശ്വാസിയാക്കി മാറ്റിയവനുമാണ്. അത്തരം വിശ്വാസി തെമ്മാടികളായ കപടവിശ്വാസികളും അവരുടെ അനുയായികളായ ഫാജിറുകളുമടങ്ങിയ ഫുജ്ജാറുകളോട് 'നിങ്ങള്‍ ഇവിടെ കുറച്ചുകാലം സുഖിക്കുക, നിശ്ചയം നിങ്ങളുടെ മടക്കം നരകത്തിലേക്കാണ്' എന്ന് പറയാനാണ് 14: 28-30 സൂക്തങ്ങളിലൂടെ കല്‍പിക്കപ്പെട്ടിട്ടുള്ളത്. 2: 255; 4: 78-79; 17: 13-14; 35: 31-32 വിശദീകരണം നോക്കുക.