അദ്ദിക്ർ

നബിമാരെ അന്യായമായി വധിക്കുന്നവര്‍ ഇന്ന് നബിമാരുടെ പേരുവെച്ച് ജനമധ്യത്തില്‍ അവരെ കളവാക്കുന്ന വിധം ജീവിതം നയിച്ച് കൊല്ലാതെ കൊല്ലുന്നവരാണ്. 'മനുഷ്യരില്‍ നിന്ന് നീതി കല്‍പിച്ചുകൊണ്ടിരിക്കുന്നവരെ കൊല്ലുക' എന്ന് പറഞ്ഞതില്‍ അദ്ദിക്ര്‍ പഠിക്കുകയും പഠിപ്പിക്കുകയും ജാതി-മത-വര്‍ണ-ലിംഗ-ഭാഷ-ദേശ ഭേദമന്യേ ലോകര്‍ക്ക് എത്തിച്ചുകൊടുക്കുകയും ചെയ്തുകൊണ്ടിരിക്കുന്നവരെ ബുദ്ധിമുട്ടിക്കലും ഉപദ്രവിക്കലും അവര്‍ക്ക് ജീവിത പ്രയാസം സൃഷ്ടിക്കലുമെല്ലാമാണ്. ഇന്ന് ഈ സൂക്തത്തില്‍ പറഞ്ഞ മൂന്ന് വിഭാഗവും പ്രവാചകന്‍റെ ജനതയില്‍ നിന്നുള്ള ഫുജ്ജാറുകളിലാണുള്ളത്. 1000 ത്തില്‍ 999 ല്‍ പെട്ട അവരെ ആത്മാവിനോട് അക്രമം കാണിച്ചവര്‍ എന്നാണ് 35: 32 ല്‍ വിശേഷിപ്പിച്ചിട്ടുള്ളത്. എല്ലാ പ്രവര്‍ത്തനങ്ങളും നഷ്ടപ്പെടുന്ന ഇവര്‍ ഇഹത്തില്‍ നിന്ദ്യത അനുഭവിക്കുന്നവരും പരത്തില്‍ നരകക്കുണ്ഠത്തില്‍ പോകേണ്ടവരുമാണ് എന്ന് ഈ സൂക്തവും മുന്നറിയിപ്പ് നല്‍കുന്നു. വിശ്വാസികളെയും വിശ്വാസിനികളെയും ബുദ്ധിമുട്ടിക്കുകയും അതില്‍ ഖേദിച്ച് മടങ്ങാതിരിക്കുകയും ചെയ്യുന്നവര്‍ക്ക് നരകക്കുണ്ഠത്തിലെ കരിക്കുന്ന ശിക്ഷയാണുള്ളത് എന്ന് 85: 10 ല്‍ പറഞ്ഞിട്ടുണ്ട്. 2: 85; 8: 22; 18: 103-106 വിശദീകരണം നോക്കുക.