നാഥന്‍റെ സൂക്തങ്ങള്‍ അടിക്കടി തള്ളിപ്പറയുകയും മൂടിവെക്കുകയും ചെയ്യുന്നവരാണ് ഈ സൂക്തത്തില്‍ പറഞ്ഞ കുഫ്ഫാറുകള്‍. ഫുജ്ജാറുകള്‍ തന്നെയാണ് കുഫ്ഫാറുകള്‍ എന്ന് 83: 7, 34, 36 സൂക്തങ്ങളില്‍ പറഞ്ഞിട്ടുണ്ട്. ഒരു സൂക്തത്തില്‍ കുഫ്ഫാറുകള്‍ അല്ലെങ്കില്‍ ഫുജ്ജാര്‍ എന്നുമാത്രം പരാമര്‍ശിച്ചാല്‍ അതില്‍ 1: 7 ല്‍ വിവരിച്ച നാഥന്‍റെ കോപത്തിനും ശാപത്തിനും വിധേയരായ കപടവിശ്വാസികളും അവരെ പിന്‍പറ്റി വഴിപിഴച്ചുപോയ അനുയായികളും ഉള്‍പ്പെടുന്നതാണ്. 39: 59 ല്‍ പറഞ്ഞ പ്രകാരം കുഫ്ഫാറുകളില്‍ നിന്നുള്ള ഏതൊരാളുടെയും മരണസമയത്ത് നാഥന്‍ അവനോട് 'നീ കാഫിറുകളില്‍ പെട്ടവന്‍ തന്നെയായിരുന്നു' എന്ന് പറയുന്നതാണ്. 4: 145 ല്‍ വിവരിച്ച പ്രകാരം കപടവിശ്വാസികള്‍ വിചാരണ കൂടാതെ നരകത്തിന്‍റെ അടിത്തട്ടില്‍ പോകേണ്ടവരാണെങ്കില്‍, 39: 71 ല്‍ വിവരിച്ച പ്രകാരം അനുയായികള്‍ വിചാരണക്കുശേഷം നരകക്കുണ്ഠത്തിലേക്ക് തെളിക്കപ്പെടുന്നവരാണ്. അറബി ഖുര്‍ആന്‍ എണ്ണയെന്ന പോലെ മേമ്പൊടിയായി ഉപയോഗിക്കുന്ന കുഫ്ഫാറുകള്‍ അദ്ദിക്റിനെ തള്ളിപ്പറയുക എന്നത് അവരുടെ ഭക്ഷണമാക്കിയവരാണ് എന്ന് 56: 81-82 സൂക്തങ്ങളില്‍ പറഞ്ഞിട്ടുണ്ട്. 5: 36; 10: 54; 13: 18; 39: 47 എന്നീ സൂക്തങ്ങളും 3: 90-91 സൂക്തങ്ങള്‍ക്ക് സമാന ആശയമുള്ള സൂക്തങ്ങളാണ്. 2: 27-28; 3: 77; 48: 6 വിശദീകരണം നോക്കുക.