അദ്ദിക്ർ

സത്യമായ അദ്ദിക്ര്‍ സമര്‍പ്പിക്കുന്ന വിധത്തില്‍ നാഥനെ പരിഗണിക്കാത്ത കപടവിശ്വാസികളും വിവിധ സംഘടനകളായി പിരിഞ്ഞ് മുശ്രിക്കുകളായിത്തീര്‍ന്ന അവരുടെ അനുയായികളും തന്നെയാണ് ഇന്ന് സര്‍വലോകര്‍ക്കുമുള്ള ഗ്രന്ഥം വഹിക്കുന്നത്. പ്രവാചകന്‍റെ ജനതയില്‍ പെട്ട അവര്‍ 15: 6, 9; 16: 43-44; 41: 41-43 എന്നീ സൂക്തങ്ങളില്‍ പറഞ്ഞ അദ്ദിക്റിനെ വിസ്മരിച്ച ഒരു കെട്ടജനതയാണെന്ന് 25: 17-18 ലും; അവര്‍ക്ക് ബോറന്മാരുടെ വീടായ നരകഗര്‍ത്തമാണ് ഒരുക്കിവെച്ചിട്ടുള്ളതെന്ന് 9: 67-68; 14: 28-30; 48: 6; 98: 6 തുടങ്ങിയ സൂക്തങ്ങളിലും പറഞ്ഞിട്ടുണ്ട്. 43: 36-39 സൂക്തങ്ങളില്‍ പറഞ്ഞ ആത്മാവിന്‍റെ ജിന്നുകൂട്ടുകാരനെ വിശ്വാസിയാക്കാത്ത അവരിലെ ഏതൊരാളുടെയും മരണസമയത്ത് നാഥന്‍ അവനോട് 'നീ കാഫിറുകളില്‍ പെട്ടവന്‍ തന്നെയായിരുന്നു' എന്ന് പറയുന്നതാണ് എന്ന് 39: 59 ലും; ആത്മാവിനെ പരിഗണിക്കാതെ ഇവിടെ ജീവിക്കുന്ന അവര്‍ മരണസമയത്ത് 'നിശ്ചയം ഞങ്ങള്‍ കാഫിറുകള്‍ തന്നെയായിരുന്നു' എന്ന് ആത്മാവിനെതിരെ സാക്ഷ്യം വഹിക്കുമെന്ന് 7: 37 ലും അവര്‍ വായിച്ചിട്ടുണ്ട്. ചുരുക്കത്തില്‍ നിഷ്പക്ഷവാനായ നാഥന്‍ ഒരാളെയും സ്വര്‍ഗത്തിലേക്കോ നരകത്തിലേക്കോ നയിക്കുന്നില്ല, മറിച്ച് അവര്‍ വായിച്ച, കേട്ട, തൊട്ട ഗ്രന്ഥം അവര്‍ക്കെതിരെ വാദിച്ചുകൊണ്ടും സാക്ഷി നിന്നുകൊണ്ടും അവരെ നരകക്കുണ്ഠത്തിലേക്ക് തള്ളിവിടുകയാണ് ചെയ്യുക. തെമ്മാടികളല്ലാതെ നാഥന്‍റെ സൂക്തങ്ങള്‍ മൂടിവെക്കുകയില്ല എന്ന് പറഞ്ഞുകൊണ്ടാണ് 2: 99 അവസാനിക്കുന്നത്. 2: 254-255; 3: 81; 25: 33-34 വിശദീകരണം നോക്കുക.