يُخْرِجُ الْحَيَّ مِنَ الْمَيِّتِ وَيُخْرِجُ الْمَيِّتَ مِنَ الْحَيِّ وَيُحْيِي الْأَرْضَ بَعْدَ مَوْتِهَا ۚ وَكَذَٰلِكَ تُخْرَجُونَ
അവന്‍ ജീവനില്ലാത്തവയില്‍ നിന്ന് ജീവനുള്ളവയെ പുറപ്പെടുവിക്കുന്നു, ജീ വനുള്ളവയില്‍ നിന്ന് ജീവനില്ലാത്തവയെയും പുറപ്പെടുവിക്കുന്നു, ഭൂമിയെ അതിന്‍റെ മരണത്തിനുശേഷം ജീവിപ്പിക്കുകയും ചെയ്യുന്നു, അപ്രകാരം നിങ്ങ ളും പുറപ്പെടുവിക്കപ്പെടുന്നതാണ്.
ഇത്തരം സൂക്തങ്ങളെല്ലാം വായിക്കുന്ന കപടവിശ്വാസികളും അവരുടെ മുശ്രിക്കുകളായ അനുയായികളുമടങ്ങിയ ഫുജ്ജാറുകള്‍ ആത്മാവിനെ പരിഗണിക്കാതെ പരലോകം കൊണ്ടും പുനര്‍ജന്മം കൊണ്ടും വിശ്വസിക്കാത്തവരാണ്. അവരുടെ പിരടിയിലുള്ള കര്‍മ്മരേഖയില്‍ നാഥന്‍ അവരുടെ എല്ലാ പ്രവര്‍ത്തനങ്ങളും കൊത്തിവെക്കുന്നുണ്ട്. എന്നാല്‍ അവര്‍ അതിനെത്തൊട്ട് ബോധമില്ലാതെ പുനര്‍ജന്മനാളില്‍ വായിക്കാന്‍ പറ്റാത്തവണ്ണം അവരുടെ പ്രവര്‍ത്തനങ്ങള്‍ തുടരുകയാണ് എന്ന് 23: 62-64 ല്‍ അവര്‍ വായിച്ചിട്ടുണ്ട്. അ ങ്ങനെ അവര്‍ വായിച്ച സൂക്തങ്ങള്‍ അവര്‍ക്കെതിരെ വാദിച്ച്, സാക്ഷിനിന്ന് അവരെ നരകക്കുണ്ഠത്തിലേക്ക് തള്ളിവിടുകയാണ് ചെയ്യുക. 3: 26-27; 29: 63; 50: 9-13 വിശദീകരണം നോക്കുക.