അദ്ദിക്ർ

ഈ സൂക്തത്തില്‍ വിശ്വാസികളെ വിളിച്ചാണ് വീണ്ടും വിശ്വസിക്കാന്‍ ആവശ്യ പ്പെടുന്നത് എന്ന് പ്രത്യേകം ശ്രദ്ധിക്കേണ്ടതാണ്. അതായത് വിശ്വാസികളാണെന്ന് അവ കാശപ്പെട്ടാല്‍ മാത്രം പോര, 69: 51 ല്‍ പറഞ്ഞ ഉറപ്പുനല്‍കുന്ന സത്യമായ അദ്ദിക്ര്‍ കൊ ണ്ട് വിശ്വാസിയാണെന്ന് ഉറപ്പുവരുത്തണമെന്നാണ് കല്‍പ്പിക്കുന്നത്. 10: 100 ല്‍ വിവരിച്ച പ്രകാരം വിശ്വാസിയാകാനുള്ള നാഥന്‍റെ സമ്മതപത്രമായ അദ്ദിക്ര്‍ കൊണ്ട് ജിന്നുകൂട്ടുകാരനെ വിശ്വാസിയാക്കാത്ത ഒരാളും വിശ്വാസിയാവുകയില്ല. 16: 44 പ്രകാരം പ്രവാചക ന് അവതരിപ്പിച്ചിട്ടുള്ള അദ്ദിക്റില്‍ മുമ്പ് വന്നിട്ടുള്ള 312 ഗ്രന്ഥങ്ങളും അവയുടെ നേരെച്ചൊവ്വെയുള്ള വിശദീകരണവും അടങ്ങിയിട്ടുണ്ടെന്നും അത് അവതരിപ്പിക്കപ്പെട്ടത് മനുഷ്യര്‍ക്ക് എന്തൊന്നാണോ നാഥനില്‍ നിന്ന് അവതരിപ്പിച്ചിട്ടുള്ളത്, അത് അവര്‍ക്ക് വെളിപ്പെടുത്തുന്നതിനും അവര്‍ ആലോചിച്ച് പ്രതിഫലിപ്പിക്കുന്നതിനും വേണ്ടിയാണ്. എന്നാ ല്‍ 7: 26 ല്‍ വിവരിച്ച പ്രകാരം ആത്മാവിനെ പരിഗണിക്കാത്ത അറബി ഖുര്‍ആന്‍ വായി ക്കുന്ന ഫുജ്ജാറുകള്‍ അദ്ദിക്റിനെ തള്ളിപ്പറയുക എന്നത് ഭക്ഷണമാക്കിയവരാണ്. 83: 7 ല്‍ പറഞ്ഞ സിജ്ജീനിലേക്കുള്ള ഫുജ്ജാര്‍ കിതാബുകളാണ് അവര്‍ പഠിക്കുന്നതും പഠി പ്പിച്ചുകൊണ്ടിരിക്കുന്നതും പ്രചരിപ്പിച്ചുകൊണ്ടിരിക്കുന്നതും. മനുഷ്യപ്പിശാചുക്കളും ജിന്ന് പിശാചുക്കളും അറബി ഖുര്‍ആനില്‍ നിന്നല്ല മനുഷ്യനെ തടയുക, മറിച്ച് അദ്ദിക്റില്‍ നിന്നാണ് തടയുക എന്ന് 25: 18 ലും 25: 29 ലും വായിക്കുന്ന അവര്‍ തങ്ങളുടെ മുഖങ്ങളില്‍ നരകക്കുണ്ഠത്തിലേക്ക് വലിച്ചിഴക്കപ്പെടാനുള്ള ഏറ്റവും ദുഷിച്ച സ്ഥാനത്തുള്ള ഏറ്റവും വഴിപിഴച്ചവരാണെന്ന് 25: 34 ലും അവര്‍ വായിച്ചിട്ടുണ്ട്. ചിന്താശക്തി ഉപയോഗപ്പെടുത്താതെ പിശാചിനെ സേവിച്ചുകൊണ്ടിരിക്കുന്ന ഭ്രാന്തന്മാരായ അവര്‍ മസീഹുദ്ദജ്ജാലി നെ ആനയിക്കുന്നവരാണ്. 4: 91 ല്‍ വിവരിച്ച പ്രകാരം ഈസാ രണ്ടാമതുവന്ന് മസീഹുദ്ദജ്ജാലിനെ വധിക്കുന്നതോടെ അന്ന് ഇസ്ലാം അംഗീകരിക്കുന്ന ഇതര ജനവിഭാഗങ്ങള്‍ ഇക്കൂട്ടരെ വധിക്കുമ്പോള്‍ മാത്രമാണ് 38: 8 ല്‍ പറഞ്ഞ പ്രകാരം ദിക്രീ ആയിരുന്നു നാ ഥനില്‍ നിന്നുള്ള ഗ്രന്ഥമെന്ന് ഇവര്‍ക്ക് ബോധ്യം വരിക. 1: 7; 2: 2-4, 146, 285; 3: 101-102 വിശദീകരണം നോക്കുക.